Lajme

Një shqiptar arrestohet në Kolumbi

Autori: Gazeta inFokus 10:11 | 18 May 2022

Autoritetet kolumbiane kanë konfirmuar të martën arrestimin e 17 personave të kërkuar ndërkombëtarisht për trafikim droge e shpëlarje parash. Një nga të arrestuarit është shqiptar, ka shkruar Associated Press.

Një nga të kapurit prej autoriteteve kolumbiane është një pilot që ishte pjesë e një organizate kriminale e që po hetohej nga prokurori paraguaian Marcelo Pecci që së fundmi u vra në një plazh në Kolumbi.

Kolumbia po heton nëse banda braziliane ishte e përfshirë në vrasjen e tij.

-Advertisement-

Policia beson se Pecci ishte cak i vrasjes për shkak të punës ndaj krimeve transnacionale të drogës.

Piloti, i identifikuar si Diego Mauricio Blanco Blanco, kërkohet nga Brazili nën akuzën për trafikim droge.

Sipas Policisë së Kolumbisë, ai është i lidhur me trafikantët më të mëdhenj të drogës në rajon.

Në mesin e të arrestuarve është edhe Roberto Amorus, i kërkuar në Itali për skemë mashtrimi që rezultoi me miliona euro të vjedhura nga thesari i shtetit.

Autoritetet kanë kapur edhe 11 kolumbianë, dy venezuelas, një domenikan, një italian, një holandez dhe një shqiptarë, të gjithë të lidhur me krimin në disa qytete të mëdha të Kolumbisë.

Subscribe në YouTube: GAZETA INFOKUSI
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare

Të tjera

Fokusi

lajme