Lajme

Një nga stuhitë më të rezikshme që ka goditur SHBA-në/ Qytete të përmbytura dhe shkatërrime të shumta, ja çfarë la pas uragani “Ian” (Pamje)

Autori: Gazeta inFokus 13:59 | 29 September 2022

Një nga stuhitë më të rrezikshme që ka goditur SHBA-në në vite la 2.4 milionë shtëpi dhe biznese në Florida pa energji elektrike, ndërsa niveli i ujit është rritur vazhdimisht.

Era e fuqishme e shoqëruar me shi ka shkatërruar oborret dhe çatitë e shtëpive në shumë zona.

Qytetarët kanë filmuar ambiente të ndryshme, pas prekjes nga uragani shkatërrues, duke treguar makinat e zhytura totalisht në ujë dhe pemë të rrëzuara.

-Advertisement-

Florida u paralajmëruan se 24 orët më të rrezikshme ishin përpara dhe kryebashkiaku i Tampa u kërkoi njerëzve të strehoheshin në vend gjatë natës deri në mëngjesin e sotëm.

Si rezultat i situatës së jashtëzakonshme autoritetet kanë shpallur shtetrrethim deri në një njoftim të dytë.

“Ian” tani po vazhdon të lëvizë në veri përmes Floridës, ndërsa Aeroporti Ndërkombëtar i Jacksonville, me qendër në pjesën verilindore, anuloi të gjitha fluturimet.

Sipas BBC stuhia parashikohet të dalë në Atlantik këtë të enjte dhe pritet të arrijë në Gjeorgji dhe Karolinën e Jugut nesër.

Virginia i është bashkuar gjithashtu Xhorxhisë, Karolinës së Veriut, Karolinës së Jugut dhe Floridës duke shpallur gjendjen e jashtëzakonshme.

Bregdeti perëndimor i Kubës u godit nga uragani “Ian” të martën, ndërsa e gjithë zona ka mbetur pa energji elektrike. Autoritet kanë njoftuar se dy perona kanë humbur jetën dhe më shumë se 20 emigrantë kubanë mendohet se janë zhdukur në det.

Subscribe në YouTube: GAZETA INFOKUSI
Etiketa:
Viva Fresh sjell programin XL: 10% zbritje gjatë gjithë vitit!
-Advertisement-

Të tjera

Fokusi

lajme