Lajme

Një muaj paraburgim për vëllain e Enver Sekiraqës e nipit të tij

Autori: Gazeta inFokus 16:02 | 02 December 2019

Gjykata Themelore në Prishtinë ka caktuar masën e paraburgimit për Naser Sekiraqën, vëllaut të Enver Sekiraqës dhe nipit të tij F.A.

Këta të dy dyshohet se kanë kryer veprën penale “Vrasje e rëndë në tentativë dhe bashkëkryerje” dhe “Mbajtja në pronësi, kontroll ose posedim të paautorizuar të armëve”, shkruan gazeta inFokus.

Ngjarja kishte ndodhur në qershor të vitit 2018, ku këta të dy kishin tentuar ta privojnë nga jeta Z.J duke rrezikuar edhe jetën e N.U.

-Advertisement-

“Me dt.12.06.2018, rreth orës 17.15 minuta, përballë gjimnazit “Sami Frashëri” në Prishtinë, të pandehurit N.S dhe F.A në bazë të marrëveshjes paraprake kishin tentuar që ta privojnë nga jeta tani të dëmtuarin Z.J dhe njëkohësisht kanë rrezikuar edhe jetën e N.U për shkak të një konflikti të mëhershëm”- thuhet në njoftimin e Gjykatës Themelore të Prishtinës.

“Të pandehurit kishin shfrytëzuar momentin përderisa kishte qenë kolonë në rrugë dhe njëri nga ta ishte afruar tek pasagjeri i automjetit dhe pasi që dritarja e automjetit kishte qenë e hapur, kishte futur dorën brenda në veturë dhe me armë zjarri kishte shtënë 13 herë në drejtim të të dëmtuarit Z.J, me ç’rast të dëmtuarve iu kishte shkaktuar lëndime të rënda trupore dhe të pandehurit me shpejtësi ishin larguar nga vendi i ngjarjes “.

Sipas gjykatës kërkesa për caktimin e masës së paraburgimit kundër të pandehurve N.S dhe F.A është masë adekuate dhe e domosdoshme në këtë fazë të procedurës, për sigurimin e pranisë së tyre në procedurën penale dhe zhvillimin e pa penguar të procedurës./Gazeta inFokus/

 

 

Subscribe në YouTube: GAZETA INFOKUSI

Të tjera

Fokusi

lajme