Lajme

Një muaj paraburgim për rrëmbyesit e dy shtetasve maqedonas

Autori: Gazeta inFokus 15:56 | 19 February 2021

Gjykata Themelore në Gjilan ka caktuar masën e paraburgimit ndaj pesë të dyshuarve për rrëmbimin e dy shtetasve maqedonas.

Sipas Prokurorisë ngjarja ka ndodhur në një vilë në komunë e Novobërdës, e ku të dyshuarit me qellim të përfitimit material i kanë marrë dhe kanë mbajt nën kërcënimin e armës të dëmtuarit Z.R. dhe A.A.

Njoftimi i plotë i Prokurorisë:

-Advertisement-

Gjilan, 19.02.2021 – Gjykata Themelore në Gjilan ka aprovuar kërkesën e Prokurorisë Themelore të Gjilanit, duke i caktuar masën e paraburgimit prej 30 (tridhjetë) ditë të pandehurve V.K., M.I., B.N., V.K., F.S. dhe M.Z.

Ekziston dyshimi i bazuar se të pandehurit me datën 16 – 17 Shkurt 2021, me dashje direkte dhe me qëllim të përfitimit material, i kanë marrë dhe kanë mbajt nën kërcënimin e armës të dëmtuarit Z.R. dhe A.A., në një villë në komunën e Novobërdës, të cilët i kanë prangosur me pranga plastike, duke iu bërë video incizime, të cilat pastaj ia kanë dërguar familjarëve të të dëmtuarve.

Me këto veprime, të pandehurit dyshohet se kanë kryer veprën penale “rrëmbimi” vepër e sanksionuara me Kodin Penal të Republikës së Kosovës (KPRK).

Gjyqtari i procedurës paraprake në Departamentin e Krimeve të Rënda, pas mbajtjes së seancës dëgjimore, ka refuzuar kërkesën e mbrojtësve të pandehurve, për caktimin e masave alternative, duke konsideruar se caktimi i masës së paraburgimit krijon kushte për zhvillimin me sukses të procedurës penale.

Palët kanë të drejtën e ankesës ndaj këtij vendimi në Gjykatën e Apelit.​

Share Now

Subscribe në YouTube: GAZETA INFOKUSI
Black Friday ne Artmotion

Të tjera