Një milion e 700 mijë euro për mësimdhënësit me probleme shëndetësore
Autori: Gazeta inFokus 07:25 | 16 March 2022
Ministria e Arsimit, ka ndarë për vitin 2022 grantin prej 1 milion e 700 mijë euro për mësimdhënësit me probleme shëndetësore, nga i cili do të përfitojnë rreth 300 mësimdhënës.
Kjo ministri është duke punuar në rregulloren që përcakton saktë se si do të veprohet, ndërsa Sindikata e Arsimit, beson se një buxhet i tillë, do të vazhdojë të ndahet çdo vit për mësimdhënësit që kanë probleme të tilla.
Për herë të parë sivjet është ndarë një buxhet për mësimdhënësit që kanë probleme shëndetësore. Ministria e Arsimit ka bërë të ditur se granti prej 1 milion e 700 mijë euro, do të ndahet për ata mësimdhënës që kanë vështirësi në zhvillimin e mësimdhënies së rregullt për shkak të problemeve që kanë me shëndetin.
Zëdhënësja e kësaj ministrie, Iliriana Pylla, tha për Radio Kosovën se tashmë janë duke punuar në infrastrukturën ligjore, që secili mësimdhënës ta kryejë punën e vet pa shqetësimet që ia sjell shëndeti.
“Ministria e Arsimit është duke punuar në rregulloren që i përcakton saktë detajet se si do të veprohet dhe se cili mësimdhënës mund të trajtohet si i tillë.”
Një kërkesë e tillë për mbështetje të mësimdhënësve me probleme shëndetësore ka qenë para disa viteve edhe nga Sindikata e Arsimit, e cila tani i është gëzuar këtij lajmi.
Ymer Ymeri, nga kjo Sindikatë, tha për Radio Kosovën se janë rreth 300 mësimdhënës në nivel vendi që kanë probleme shëndetësore.
“Nëse i llogarisim me numër dhe i ndajmë sipas pagave të plota, i bie që janë rreth 330 mësimdhënës, që mund të mbulohen me këtë fond. Është një numër që besoj se i mbulon të gjithë të sëmurit me sëmundje kronike, të cilët do të përcaktohen në bazë të një udhëzuesi që është duke u përpiluar në Ministrinë e Arsimit, ku pjesë e komisionit jam edhe unë nga SBASHK-u.”
Sindikata e Arsimit beson se një buxhet i tillë do të vazhdojë të ndahet çdo vit për mësimdhënësit që kanë probleme shëndetësore. Ndërkohë, shumë mësimdhënës me probleme të tilla e kanë mirëpritur këtë vendim. Edhe pse nuk dëshiruan të flasin para mikrofonit, ata u shprehën se granti i ndarë do t’ua lehtësojë punën e tyre dhe mbulimin e problemeve që kanë me shëndetin.
Të tjera
-
Zbardhet fjalimi – Pjetër Shala: “M’u shkatërrua jeta!”
“Kam shumë për të thënë, por shumicën e fjalëve i shprehën avokatët e mi, kan...
-
Kurti në Stamboll mburret me ushtrinë, tregton problemet me Serbinë
E diela e 2 qershorit shënon ditën e tretë të vizitës zyrtare që një delegaci...
-
Parashikimi i motit për pesë ditët e ardhshme
Instituti Hidrometeorologjik i Kosovës ka bërë të ditur se gjatë pesë ditëve ...
-
MPJD pyetjet për deklaratat e Presidentes Osmani i quan spekulime
Spekulime e thashetheme, i ka quajtur zyra e kryediplomatës së Kosovës, Donik...
-
Grupi i parë i haxhilerëve nga Kosova arrin në Mekë
215 besimtarët e parë nga Kosova, të cilët sot në mëngjes janë nisur drejt ve...
-
Mbyllen votimet në Preshevë e Bujanoc
Procesi i votimit në dy komunat e Luginës së Preshevës, Preshevë dhe Bujanoc ...
-
Fronti Europian miratoi Deklaratën Politike mbi legjitimitetin etnik që buron nga zgjedhjet
Sot në Tetovë, të gjitha organet partiake, por edhe përfaqësuese në pushtetin...
-
Reporteri i luftës Nuhi Bytyçi nesër dëshmon në Hagë në procesin Thaçi dhe të tjerët
Reporteri i luftës Nuhi Bytyçi, nesër më datë 3 qershor do të dëshmojë në Hag...
-
Ministria e Financave thotë se skema e re sociale eliminon kriteret diskriminuese
Ministria e Financave ka filluar pilotimin e reformës se skemës të asistencës...
-
Ambasadori italian në Serbi: Asociacioni është kusht për pranimin e Kosovës në KiE
Ambasadori i Italisë në Serbi, Luca Gori, ka theksuar se formimi i Asociacion...
-
Në Pagarushë zbulohet lapidari për dëshmorët dhe të rënët e fshatit
Ditën e së dielës, në fshatin Pagarushë u bë zbulimi i lapidarit, përkatësish...
-
Tahiri: Kurti nuk heqë dorë nga privilegjet dhe xhipat e zi
Shefi i Grupit Parlamentar të AAK’së, Besnik Tahiri, ka thënë se kryeministri...