Lajme

Një këmbësore goditet nga vetura teksa po kalonte rrugën në Veternik

Autori: Gazeta inFokus 17:00 | 30 June 2023

Një këmbësore është përplasur nga vetura teksa po e kalonte rrugën në magjistralen Prishtinë-Ferizaj, respektivisht në Veternik.

Ajo ka pësuar lëndime dhe është dërguar në Qendrën Klinike Universitare të Kosovës për trajtim të nevojshëm mjekësor.

Lajmin për Telegrafin e ka konfirmuar zëdhënësi i Policisë së Kosovës për rajonin e Prishtinës, Agron Borovci.

-Advertisement-

“Rreth orës 15:00, është pranuar informata për një aksident trafiku rrugor të ndodhur në rrugën magjistrale Prishtinë-Ferizaj, respektivisht në Veternik, të Komunës së Prishtinës”, ka thënë Borovci.

“Nga informatat e para bëhet e ditur se një veturë ka përplasur një këmbësore që po kalonte rrugën në atë moment. Këmbësorja ka pësuar lëndime dhe e njëjta është dërguar në QKUK për trajtimin e nevojshëm mjekësor”.

Tutje, ai ka thënë se policia ka dalë në vendin e ngjarjes, po ndërmerr masat e nevojshme për lehtësimin e qarkullimit rrugor si dhe ka nisur punën për hetimin e shkaqeve që kanë sjellë deri te aksidenti.

Subscribe në YouTube: GAZETA INFOKUSI