Të mërkurën një grua 48 vjeçare dyshohet se u vra nga burri i saj në Llaushë të Skenderajt, shkruan Gazeta Infokus.

Sipas policisë, gruaja u qëllua nga burri me armë të zjarrit dhe u dërgua në spitalin e Mitrovicës ku nga plagët e marra nuk mbijetoi.

I dyshuari është arrestuar dhe është dërguar në mbajtje, ku rasti po trajtohet si vrasje e rëndë.

-Advertisement-

Ndërkaq, rastet e dhunës në familje po vazhdojnë të jenë një problem në vendin tonë.

Vetëm në 24 orët e fundit tetë gra përjetuan dhunë nga burrat e tyre.

Këto raste kanë ndodhur në rajonin e Prishtinës, Prizrenit dhe në Vushtrri.

Katër rastet që kanë ndodhur në Prishtinë janë shkaktuar nga burrat por që në disa raste ka pasur përfshirje edhe të gjinisë femërore.

Në rastin e parë në Prishtinë është raportuar nga një grua ku ka thënë se pas një mosmarrëveshje në shtëpi ishte sulmuar fizikisht nga dy të dyshuarit, bashkëshorti i saj dhe vjehrra e saj.

Si pasojë e kësaj viktima ka pranuar tretman mjekësor dhe pas intervistimin me tre fëmijët e saj për shkaqe sigurie është dërguar në strehimore.

“I dyshuari pas intervistimit me vendim të prokurorit është dërguar në mbajtje, kurse e dyshuara nëna e tij është liruar në procedurë të rregullt”, thuhet në raportin 24 orësh të Policisë së Kosovës.

Në rastin e dytë poashtu është raportuar se është arrestuar një burrë për shkak se kishte fyer dhe kanosur bashkëshorten e tij.

Sipas policisë, pas intervistimit i dyshuari është dërguar në mbajtje.

Rasti tjetër që ka ndodhur në Podujevë ka ndodhur gjatë ditës së mërkurë rreth orës 14:40.

Ky rast është raportuar nga një grua ku ka deklaruar se pas një mosmarrëveshje është sulmuar fizikisht nga bashkëshorti i saj.

“Viktima ka pranuar tretman mjekësor, ndërsa i dyshuari është shoqëruar në stacion dhe pas intervistimit është liruar në procedurë të rregullt”, thuhet në raport.

Ndërsa rasti tjetër në rajonin e Prishtinës, më saktësisht ka ndodhur në Fushë Kosovë, ku është arrestuar një person pasi që kishte sulmuar fizikisht babain dhe vëllain e tij.

Rasti ka ndodhur të mërkurën rreth orës 21:00.

“Pas intervistimit me vendim të prokurorit i dyshuari është dërguar në mbajtje”, shkruhet në raport.

Rasti në rajonin e Prizrenit, më saktësisht është raportuar në Suharekë nga një grua ku deklaruar se është kanosur nga bashkëshorti i i saj.

Sipas policisë, rasti ka ndodhur të mërkurën rreth orës 22:25, ku i dyshuari është arrestuar dhe pas intervistimit me vendim të prokurorit është dërguar në mbajtje.

Rasti tjetër poashtu në Suharekë ka ndodhur të mërkurën rreth orës 20:55, ku një grua ka raportuar se më bashkëshortin të cilin ishte ndarë i kishte dërguar mesazhe kërcënuese nga telefoni.

“I dyshuari është arrestuar dhe pas intervistimit me vendim të prokurorit është dërguar në mbajtje”, thuhet në raportin 24 orësh të Policisë së Kosovës.

Poashtu policia ka bërë të ditur se në këto 24 orë është arrestuar një person ku kishte shkaktuar dhunës në familje të martën rreth orës 21:05.

Ai ishte dyshuar për dhunë fizike ndaj bashkëshortes së tij, ku pas intervistimit është dërguar në mbajtje.

Si dhe rasti i tetë i dhunë në familje ka ndodhur në Vushtrri ku është arrestuar një person pasi që kishte sulmuar nënën e tij.

Si pasoj e kësaj viktima ka pranuar tretman mjekësor.

“ I dyshuari pas intervistimit në konsultim me prokurorin është liruar në procedurë të rregullt”, thuhet në raport./Gazeta Infokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-