Lajme

Një grua humb jetën, dy të lënduarat në gjendje të rëndë nga aksidenti në Sllatinë

Autori: Gazeta inFokus 22:12 | 29 August 2024

Një 50-vjeçare ka humbur jetë si pasojë e një vetaksidenti që ka ndodhur mbrëmjen e sotme në Sllatinë, drejtimi Prishtinë – Pejë.

Ndërkohë të lënduara kanë mbetur dy vajza, të cilat tashmë janë jashtë rrezikut për jetë, por në gjendje të rëndë shëndëtosore.

Kështu bëri të ditur për Tëvë1, mjekja kujdestare Dafina Bashilli.

-Advertisement-

“Sot, kemi pranuar tre pacientë. Njëra prej tyre në gjendje shumë të rëndë e cila edhe ka humbur jetën. Pacientja tjetër ka marrë lëndime mesatarisht të rënda, të cilës iu është realizuar një CD, po e presim rezultatin. Ndërsa, edhe personi i tretë e ka gjendjen e rëndë”, tha ajo.

Ndërkohë, zëdhënësi i Policisë së Kosovës, Daut Hoxha, tha se vendin e ngjarjes ka dalë policia, ekipi emergjent dhe zjarrfikësit.

“Menjëherë policia ka reaguar ne lokacion dhe janë njoftuar ekipet tjera emergjente dhe zjarrfikësit. Sipas informatave fillestare dyshohet se përveç lëndimeve të rënda trupore raportohet edhe për pasoja fatale në këtë rast. Autoritetet ndodhen në vendin e ngjarjes dhe po kryejnë hetime, përderisa për detaje do te njoftoheni pas raportimeve shtese nga zyrtaret nga vendi i ngjarje”, tha Hoxha.

Subscribe në YouTube: GAZETA INFOKUSI