Një grua e verbër rifiton shikim dhe shikon burrin për herë të parë (FOTO)
Autori: Gazeta inFokus 13:23 | 20 September 2022
Historia e dashurisë së Sophia Corah duket sikur do shkonte shumë që të bëhej film dhe të gjithë do të dëshironin që ta shikonin. Nga një sëmundje krejt e papritur ajo u verbërua, por dashuria e jetës së saj e bëri atë që ta mposhte.
“Bright Side” ka sjellë historinë e Sophia-s që t’iu japë kurajo që të mos hiqni dorë nga njerëzit që doni pavarësisht nga rrethanat.
Një ditë Corah u zgjua dhe ndjeu se diçka nuk shkonte, por nuk mund ta kuptonte se çfarë saktësisht. Teksa po lëvizte nëpër klasë, ajo kuptoi se gjithçka ishte bërë e paqartë.
Në klasë, ajo nuk mund të lexonte një gjë të shkruar në tabelë apo edhe në një copë letër përpara saj. Atë e kapi paniku dhe pyeste veten nëse po vdiste.
Më vonë, Sophia zbuloi se kishte një gjendje të quajtur keratokonus, e cila shkaktoi një rënie drastike të shikimit të saj.
“Unë isha histerike për disa javë dhe kalova në depresion për rreth 8 muaj pasi e gjithë bota ime u përmbys”, ka thënë Corah.
Pavarësisht gjendjes së saj, Sophia vendosi të mos e linte kolegjin, megjithatë, ajo u transferua në një tjetër që ishte më afër qytetit të saj, pasi nuk mund të shkonte më aq larg.
Edhe pse në fillim iu duk sikur fati apo universi i kishte kthyer shpinën, asaj i ndryshoi jeta kur takoi Christian, i cili tani është bashkëshorti i saj.
“Ai me të vërtetë u bë familja ime dhe sistemi i mbështetjes. Isha shumë e prekur nga fakti se si kujdesej për mua ky person që sapo kisha takuar”, ka thënë Sophia.
Të dy punonin në kolegj dhe e nisën lidhjen e tyre si miq, por Christian ishte kujdesur për të që nga momenti i njohjes.
“Ai më shëtiste nëpër kampus, sigurohej që të haja drekën dhe madje bënte kartolina verbale për të më ndihmuar të studioja. Ne shkonim të luanim lojëra në kolegj dhe për një moment mund të harroja gjithçka që po më ndodhte. Shijoja kohën time me të”, tha Sophia.
“Bright Side” shkruan se procesi i saj i shërimit konsistonte në testimin e grupeve të ndryshme të lenteve të kontaktit dhe 2 operacione. Lentet e para që përdori Sophia nuk funksionuan për një kohë të gjatë, por ajo ishte në gjendje të shihte fytyrat për disa orë në ditë.
Kur pa fillimisht fytyrën e Christian, ajo u magjeps, duke eksploruar të gjitha detajet.
“Ai ishte i bindur se mendoja se ishte i shëmtuar për shkak të reagimit tim”, bën shaka Sophia. Megjithatë, ajo shpjegoi të vërtetën, duke thënë: “Ai ishte edhe më i pashëm nga sa mund ta imagjinoja”.
Më pas, Sophia filloi rrugëtimin e saj të rimëkëmbjes larg Christian, dhe ata nuk mundën ta shihnin njëri-tjetrin për 3 vjet. Asnjëri prej tyre nuk e dinte nëse kishin ende ndjenja për njëri-tjetrin pas gjithë kësaj kohe.
Sidoqoftë, Corah vendosi të rrëfejë ndjenjat e saj dhe udhëtoi 7 orë me makinë për ta parë përsëri. Edhe pse pa foto të tij, ajo nuk e kishte parë fytyrën e tij nga afër që kur kishte rifituar plotësisht shikimi.
“Mendova se ai ishte shumë i lezetshëm dhe doja më shumë se çdo gjë të isha me të përgjithmonë”, ka thënë Sophia, e cila i ka rrëfyer dashurinë e saj Christian-it. Ata u fejuan 2 muaj më vonë dhe u martuan pas 6 muajsh.
“Ne nuk donim të ishim më larg njëri-tjetrit”, ka përfunduar Sophia.
Tashmë ata po planifikojnë të blejnë një shtëpi dhe të vendosen së bashku dhe “të vazhdojnë të shijojnë këtë jetë që duhet të kalojmë së bashku”.
Të tjera
-
Humb jetën tragjikisht në vend të punës kosovari në Itali
Një ngjarje e rëndë ka ndodhur në Itali, ku një person nga Kosova ka humbur j...
-
E quan ish anëtare të partisë, Manxhuka i reagon Von Cramon për akuzat se po kufizojnë lirinë e shprehjes
Zëdhënësi i Lëvizjes Vetëvendosje, Arlind Manxhuka, i ka reaguar Raportueses ...
-
“Vajzat e gratë në hapësirat e UP-së nuk janë të sigurta”, vendosen jastëk para Rektoratit të UP’së
Organizata “QIKA” ka vendosur disa jastëk para Rektoratit të Universitetit të...
-
Seanca për tenderët “sekretë”, Rrustemi i VV-së: Qeveria Kurti s’ka ministra të korruptuar
Deputeti i Lëvizjes Vetëvendosje, Adnan Rrustemi ka thënë se në kontratat një...
-
Ish-kancelari gjerman ofrohet si ndërmjetës për t’i dhënë fund luftës Ukrainë-Rusi: Ja sesi mund ta bind Putin-in
Ish-kancelari gjerman Gerhard Schroeder është ofruar si ndërmjetës për t’i dh...
-
Vra*ja e rëndë në Kolovicë: Ndalohet edhe njëri prej të plagos*rve që po trajtohej në QKUK
Prishtina u trondit të martën nga dy incidente që ndodhën në orët e pasdites ...
-
Përfaqësues të biznesit amerikan takohen me presidentin kinez
Presidenti kinez Xi Jinping u takua me përfaqësues të qarqeve amerikane të bi...
-
Ish-policit në Zubin Potok i konfiskohet ar*ma dhe disa pjesë të uniformës
Gjatë kontrollit në shtëpinë e një të dyshuari në Zubin Potok, ish-pjesëtar i...
-
Kurti: Nuk i ndalim ndihmat për serbët, por ato duhet të bëhen në euro
Kryeministri i Kosovës, Albin Kurti, ka thënë se vendimin për çështjen e euro...
-
Haradinaj kujton betejën e Pozharit dhe masakrën e Izbicës: Dëshmi të dhembjes e vuajtjes, krenarisë e heroizmit
Kryetari i Aleancës për Ardhmërinë e Kosovës, Ramush Haradinaj ka kujtuar Bet...
-
AMMK: Gjendje e rëndë e ajrit në Kosovë
Agjencia për Mbrojtjen e Mjedisit të Kosovës, ka thewksuar se të mërkurën cil...
-
Franca padit adoleshenten myslimane që dyshohet se gënjeu se është goditur nga mësuesja e saj
Shteti francez do të ngrejë një padi kundër një adoleshenteje muslimane, e ci...