Një gjykatë ‘speciale’ në ardhje në Kosovë
Autori: Gazeta inFokus 11:06 | 08 July 2021
Sistemit të gjykatave në Kosovë pritet t’i shtohet edhe një gjykatë e re, speciale për nga kompetencat. Bëhet fjalë për Gjykatën Komerciale, e cila buxhetit të shtetit parashihet t’i kushtoj rreth 1.5 milionë euro. Projektligji për këtë organ të ri të drejtësisë tashmë është futur në procedurat e shqyrtimit në komisionet funksionale të Kuvendit, shkruan Gazeta Infokus.
Bazuar në draftin e Qeverisë, Gjykata Komerciale parashihet të jetë njëra ndër të ngarkuarat me lëndë, pasi do të merret ekskluzivisht me të gjitha kontestet që kanë të bëjnë me çështjet ekonomike.
“Gjykata Komerciale është kompetente për të gjykuar kontestet ndërmjet shoqërive tregtare vendore dhe të huaja, kontestet në mes të institucioneve publike dhe subjekteve private si dhe kontestet në mes të personave juridik vendor dhe të huaj, në lidhje me çështjet e ndërsjella tregtare”, thuhet ndër tjera në Projektligj.
Në juridiksionin e kësaj gjykate përfshihen edhe rastet e përmbarimeve, pastaj njohja dhe lejimi i zbatimit të vendimeve të arbitrazhit vendor dhe ndërkombëtar; kontestet gjyqësore që rrjedhin nga Ligji në fuqi për Shoqëritë Tregtare, si dhe riorganizimi, falimentimi dhe shuarja e shoqërive tregtare.
Veç tyre, në kompetencë të Gjykatës Komerciale, siç shkruan Infokus, parashihet të jetë edhe trajtimi i kontesteve në lidhje me pasuritë e paluajtshme të shoqërive tregtare; kontestet që lidhen me shkeljen e konkurrencës, keqpërdorimit ose monopolit dhe pozitës dominuese në treg, si dhe marrëveshjet monopole duke përfshirë vlerësimin e paligjshmërisë.
Por kjo nuk është e gjitha!
Gjykata Komerciale parashihet të merret edhe me mbrojtjen e të drejtave të autorit dhe pronësisë industriale, përfshirë markat tregtare, patentat, dizajnët industriale, sekretet tregtare dhe format e tjera të pronësisë industriale, sikundër edhe me kontestet ndërmjet kompanive të aviacionit që i nënshtrohen Ligjit për Aviacionin, duke përjashtuar kontestet në lidhje me të drejtat e pasagjerëve.
Trajtimi i kontesteve, megjithatë nuk kufizohet vetëm me të tilla raste. Në kompetencë të gjykatës së re pritet të jenë edhe kontestet administrative të iniciuara nga shoqëritë tregtare kundër vendimeve përfundimtare të Administratës Tatimore, Autoriteteve Doganore, Ministrisë së Financave dhe çdo organi tjetër publik përgjegjës për vendosjen e tatimeve ose detyrimeve të tjera shtetërore, si dhe kontestet administrative të iniciuara nga shoqëritë tregtare kundër vendimeve që lidhen me lejet, licencat ose çdo autorizim nën autoritetin e një organi publik të Republikës së Kosovës, përfshirë njësitë e vetëqeverisjes lokale.
Gjykata Komerciale parashihet të jetë e ndarë në Dhomën e Shkallës së Parë dhe Dhomën e Shkallës së Dytë. Emërimi i gjyqtarëve do të bëhet nga presidenti i Kosovës. Paga e kryetarit të Gjykatës Komerciale është përcaktuar të jetë ekuivalente me atë të kryetarit të Gjykatës së Apelit, ajo e gjyqtarëve të dhomave të shkallës së dytë e barabartë me pagën e gjyqtarit në Gjykatën e Apelit, ndërsa gjyqtarët e dhomave të shkallës së parë parashihet të marrin pagë të barabartë me pagën e gjyqtarit në Gjykatën Themelore, shkruan Gazeta Infokus.
Pas emërimit nga kreu i shtetit, gjyqtarët të cilët do të shërbejnë në Gjykatën Komerciale të Kosovës, do t’i nënshtrohen një trajnimi të detyrueshëm fillestar për të drejtën komerciale i cili do të organizohet nga Akademia e Drejtësisë. Në deklaratën financiare specifikohet se numri i punëtorëve në tri vjetet e para thuhet të jetë 97. Komisioni për Legjislacion tashmë e ka miratuar në parim Projektligjin për Gjykatën Komerciale dhe i ka hapur rrugë për lexim të parë në seancë të Kuvendit. /Gazeta Infokus/
Të tjera
-
1 mijë e 929 fëmijë linden në shkurt, ja sa femra e sa meshkuj
Gjatë muajit shkurt të këtij viti, kanë lindur 1 mijë e 929 fëmijë brenda dh...
-
Deliu kritikon Haxhiun: Kosova në ditë zie për gratë e vrąra, ministrja në fushatë zgjedhore të Maqedonisë
Deputetja e Partisë Demokratike të Kosovës, Blerta Deliu, ka kritikuar minist...
-
Kamberi thotë se rreth 14 të rinj nga Bunajovci janë ndaluar sot nga autoritetet serbe
Deputeti shqiptar në Parlamentin e Serbisë, Shaip Kamberi, ka deklaruar se 14...
-
“Putini po e pret Trumpin”: Bolton shpreh frikë për të ardhmen e Ukrainës dhe NATO-s
Ukraina përballet “me rrezik” nëse Shtetet e Bashkuara nuk miratojnë me shpej...
-
Vdękja e dyshimtë e ukrainases: Ky është personi i arrestuar, zbulohet dyshimi që rëndon mbi të
Një person është arrestuar lidhur me rastin tragjik të vdekjes së 23-vjeçares...
-
Musliu-Shoshi: Mashtrues e hipokrit shpallin “Ditë Zie”, e shkojnë në fushatë në Maqedoninë e Veriut !
Deputetja nga radhët e PDK-së Ariana Musliu- Shoshi i ka quajtur hipokrit e m...
-
“Strella u bë më agresiv ndaj meje dhe Butës pasi nisi të rrinte me Feron”, dëshmia e plotë e vëllaut të Butës, Qëndrim Januzit, për vrąsjen me gjashtë pĺumba të 30 vjeçarit në Ferizaj
Gjykimi për vrasjen e Gazmend Hysenit është në fazën përfundimtare. Në seancë...
-
Arrestohet një person për rastin trągjik të vdękjes së 23-vjeçares në autostradën në Ferizaj
Një person është arrestuar lidhur me rastin tragjik të vdekjes së 23-vjeçares...
-
MPB njofton se 5 zyrtarë policorë përfshirë Jankoviqin vazhdojnë të mbahen nga Serbia, bën thirrje te ndërkombëtarët të dënojë këtë veprim
Ministria e Punëve të Brendshme ka dënuar ashpër aktin e paprecedentë të Serb...
-
Komuna e Gjilanit subvencionon nënat për çdo lindje nga 100 deri në 500 euro
Komuna e Gjilanit ka bërë të ditur se do t’i subvencionojë nënat të cilat jan...
-
Ahmeti për Asociacionin: Është zotim që duhet adresuar pas anëtarësimit në KiE
Zëvendësministri Ministrisë së Punëve të Jashtme, Kreshnik Ahmeti, në konfere...
-
Ministri i Pushtetit Lokal: Serbia po ankohet rrejshëm, ajo vet arreston dhe maltręton serbët e Kosovës
Ministri për Administrimin e Pushtetit Lokal, Elbert Krasniqi ka reaguar pas ...