Një foshnje disamuajshe në mesin e 5 të prekurve me COVID-19 në Fushë Kosovë
Autori: Gazeta inFokus 13:59 | 02 June 2020
Nga gjithsej 27 rastet e reja që mbrëmë u konfirmuar me COVID19, prej tyre 5 janë në komunën e Fushë-Kosovës. Madje të prekur me koronavirus janë tre fëmijë, njëri disamuajsh.
Zëdhënësi i komunës së Fushë-Kosovës, Pali Topalli për Kosova Press, ka njoftuar se të gjitha këto raste janë rasti kontakti me familjarët e tyre në Vushtrri.
Topalli tha se gjendja shëndetësore e të prekurve është e mirë dhe janë duke qëndruar në vetëizolim.
Sipas tij, personat e prekur me COVID19, jetojnë në Bresje por që nuk kanë paraparë të izolohet ajo zonë.
“Nga mbrëmë ne zyrtarisht jemi të informuar nga Instituti Kombëtar i Shëndetit Publik për 5 raste të reja në komunën e Fushë-Kosovës, bëhet fjalë për një familje janë të gjithë anëtarë të një familje të cilët jetojnë në Fushë-Kosovë por që janë raste kontakti me familjarët e tyre nga komuna e Vushtrrisë. Në bazë të informacioneve të fundit që kemi dhe kontakteve që kemi pasur nga sot në mëngjes gjendja e tyre shëndetësore është e mirë ata vazhdojnë të jenë vetëizoluar dhe sigurisht që do jenë çdo herë të mbikëqyrur nga organet kompetente… Janë pesë anëtarë të familjes mosha e tyre bashkëshortët janë të vitit 1980 dhe 85, dhe fëmijët janë 2010, 2015 dhe 2020…Si shtab emergjent i krizës nuk e kemi paraparë që të izolohet ajo zonë atje sepse e kemi nën kontroll të plotë atë zonë e vëzhgojmë atje por që do i përcjellim rrethanat, dhe në bazë të rrethanave sigurisht edhe do marrim hapat konkret”, tha ai.
Zëdhënësi i komunës së Fushë Kosovës tha se bizneset që janë hapur në fazën e tretë si dhe bizneset që janë hapur më herët janë duke i respektuar masat e qeverisë.
“Bizneset dhe gastronomia në përgjithësi janë duke i respektuar masat ashtu siç janë paraparë me udhëzimet administrative të Qeverisë së Kosovës dhe institucioneve gjegjëse. Ne jemi vazhdimisht në terren dhe po monitorojmë situatën por që aktualisht janë duke e respektuar bizneset dhe të gjitha lokalet tjera janë duke i respektuar këto masa. Jemi të kënaqur me veprimin e tyre”, deklaroi Topalli.
Duke folur për mundësinë për të ndihmuar bizneset që veprojnë në komunën e Fushë-Kosovës, Topalli deklaroi se si komunë nuk mund ta përballojnë.
“Këto probleme dhe këto çështje janë tepër të vështira të përballohen nga komuna sepse dihet buxheti i komunave, dhe dihet kapaciteti që të gjejnë zgjidhje në këtë periudhë kohore që ka qenë bukur e vështirë. Orientimi ynë sigurisht është që nga pakoja e qeverisë së Kosovës nga ministria e Financave dhe pastaj te shohim se si do jetë mundësia që t’i ofrojmë mundësinë tu ndihmojmë sa më shumë këtyre bizneseve. Kemi bërë evidentimin e këtyre bizneseve, kemi bërë listat e punëtorëve të shohim se si është gjendja e tyre përafërsisht një lloj kalkulimi se sa mund të jenë humbjet”, tha zëdhënësi i komunës së Fushë Kosovës.
Deri më tani me COVID19 në Kosovë kanë rezultuar pozitiv 1083, të shëruar janë 843 kurse betejën me koronavirus e kanë humbur 30 persona.
Të tjera
-
Maqedonci në ministerialin e CEDC-së kërkon përkrahje për anëtarësimin e Kosovës në BE dhe NATO
Ministri i Mbrojtjes, Ejup Maqedonci, ka rikonfirmuar edhe një herë orientimi...
-
Ndërpritet konferenca STEMinists’24 nga protestueset, kërkohet përgigje nga ministrja Nagavci për rastin e profesorit Xhevat Krasniqi
Rektori i Universitetit të Prishtinës, Qerim Qerimi nuk përfundoi fjalimin e ...
-
Hoti: Banka Botërore e demantoi propagandën e pushtetit se ka zhvillim ekonomik
Deputeti i Lidhjes Demokratike të Kosovës, Avdullah Hoti, ka thënë se Qeveria...
-
Mbahet seanca e parë e Kuvendit Komunal në objektin e Zubin Potokut
Për herë të parë që pas zgjedhjeve të vitit të kaluar, të premten u mbajt sea...
-
Voton diaspora në Maqedoninë e Veriut, këto janë rezultatet zyrtare
Janë publikuar rezultatet zyrtare të Komisionit Shtetëror të Zgjedhjeve nga r...
-
Aksident mes katër veturash në Veternik, dy të lënduar
Dy persona kanë mbetur të lënduar si pasojë e një aksidenti mes katër veturav...
-
Zeqiri: Kemi punë përpara në funksionalizimin e objektit të Komunës
Ka përfunduar seanca e parë në Kuvendin Komunal të Zubin Potokut. Në seancë m...
-
Nervozohet Vuçiq: Veprimi i “neveritshëm”, duan t’i heqin sanksionet Kosovës
“Në Bashkimin Evropian tani kanë nisur një mekanizëm për heqjen e sanksioneve...
-
Të shtëna me armé në një lokal në magjistralen Prishtinë – Ferizaj
Policia e Kosovës ka arrestuar dy persona pasi njëri prejt tyre ka shtënë me ...
-
Mërgimtarët dërguan 112 milionë euro në Kosovë gjatë muajit mars
Mbi 112 milionë euro është vlera e dërgesave të mërgatës që janë sjellë në Re...
-
Shtatë raste të dhünës në familje në 24 orët e fundit në Kosovë
Shtatë raste të dhunës në familje janë raportuar në 24 orët e fundit në Kosov...
-
Përmbytjet vdekjeprurëse të Dubait, shkencëtarët bëjnë zbulimin e frishkëm! Një nga shkaktarët kryesor të kësaj katastrofe është…
Shiu rekord që ra mbi Emiratet e Bashkuara Arabe dhe Oman këtë muaj, duke shk...