Shëndetësi

Një filxhan kafe dhe katër çaja të gjelbër mund të parandalojnë sulmin në tru

Autori: Gazeta inFokus 20:20 | 18 March 2019

Me kombinimin e dy pijeve të shëndetshme forcohen dobitë e tyre për shëndet dhe bllokohet krijimi i mpiksjeve të gjakut dhe kështu parandalohet krijimi i infarktit dhe pikës në tru.

Te përzgjedhja e pijes së shëndetshme për t’u zgjuar, disa përcaktohen për kafen, të tjerët për çajin e gjelbër, por në fakt më i mirë është kombinimi i këtyre dy pijeve, pohojnë shkencëtarët japonezë nga Qendra Nacionale cerebrale dhe kardiovaskulare.

Ata kanë shqyrtuar shprehitë ushqyese të më shumë se 84.000 japonezëve më të vjetër se 45 deri 74 vjet gjatë 13 vjetëve.

-Advertisement-

Shkencëtarët zbuluan që një filxhan kafe në ditë redukton rrezikun nga sulmi në tru dhe zemër për 20 për qind, ndërsa katër filxhanë me çaj të gjelbër kanë efekt të ngjashëm.

Megjithatë, rrezikun më të vogël nga sulmi në tru e kanë pasur të testuarit që çdo ditë kombinojnë kafen e zezë dhe çajin e gjelbër, sepse atëherë potencohen dobitë e atyre pijeve për shëndet.

“Ky është një studim, i cili vërteton efektet e kombinuara të çajit të gjelbër dhe kafesë në sulmin në tru”, – ka thënë autori i studimit, dr. Yoshihiro Kokubo.

Ai tutje shton që masa ideale është një filxhan kafe dhe katër filxhanë të çajit të gjelbër në ditë, por edhe dy filxhanë çaj me kafe munden në mënyrë të konsiderueshme të reduktojnë rrezikun nga krijimi i mpiksjeve të gjakut dhe sulmi në tru.

Subscribe në YouTube: GAZETA INFOKUSI