Lajme

Një fëmijë tek evakuohet nga zjarrfikësit, spital i përmbytur, Gjakova në gjendje të rëndë pas vërshimeve!

Autori: Gazeta inFokus 12:13 | 17 September 2022

Gjendje më e rënduar pas vërshimeve që kanë përfshirë pothuajse gjithë Kosovën është në qytetin e Gjakovës. Nga pamjet që vijnë nga atje, shihen rrugë të tëra të vërshuara e të mbuluara nga uji.

Gjithashtu shumë banorë janë detyruar që të dalin nga shtëpitë e tyre të cilat janë rrezikuar si rezultat i vërshimeve.

Në pamjet shihet që në rrugën “Shotë Galica” kanë ndërhyrë edhe zjarrfikësit me një barkë shpëtimi.

-Advertisement-

Aty shihet që është evakuuar një familje, pjesë e së cilës është edhe një foshnje.

Zjarrfikësve u janë vënë në ndihmë edhe banorët e asaj lagjeje.

Ndërkohë uji ka përfshirë edhe objektin e spitalit të qytetit. Sipas pamjeve të publikuara shihet që një pjesë e objektit të spitalit është përmbytur nga uji.

Foto Syri TV

Subscribe në YouTube: GAZETA INFOKUSI
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare

Të tjera