Lajme

NISMA nuk do të kërkojë shtyrjen e seancës për rrëzimin e Qeverisë

Autori: Gazeta inFokus 14:07 | 08 May 2017

Nisma për Kosovën si inicuese e mocionit për rrëzimin e Qeverisë Mustafa nuk e ka në plan qe të kërkoj shtyrjen e votimit pas vendimit të Qeverisë për mosprocedim të demarkacionit.

Sekretari i këtij subjekti, Bilall Sherifi ka thënë për ‘Indeksonline’, se kjo parti do të procedoj sipas agjendës.

42 deputetët nënshkrues të mocionit, sipas tij, e kanë kryer obligimin e tyre. Deputetëve të Kuvendit, Sherifi thotë se u është ofruar mundësia që të rrëzojnë këtë qeveri dhe t’i hapin vendit perspektiva të reja.

-Advertisement-

“Unë nuk besoj që deputetët të cilët e kanë nënshkruar mocionin dhe shumë të tjerë të cilët vazhdimisht kanë insistuar në dorëheqjen e kësaj qeverise, do të bien në grackën e ngritur nga Isa Mustafa për të thirrur seancë për demarkacionin pas seancës së Mocionit”, ka thënë Sherifi.

Duke komentuar veprimin e sotëm të kryeministri Mustafa për mosprocedim të demarkacionit, Sherifi ka thënë se ky është marifeti i radhës i kryeministrit për ta shtyrë sa me shumë qe të jetë e mundur rrëzimin e qeverisë se tij.

“Ashtu siç kam deklaruar para disa ditësh, ai e ka hallin vetëm të pushteti i tij. Kështu që shpëtimi nga shkarkimi i kësaj qeverie kalon përmes dorëheqjes së saj para se të mbahet seanca për Mocionin”, ka shtuar Sherifi.

Sot ishte paralajmëruar se Qeveria do të procedoj në Kuvend, demarkacionin me Malin e Zi, por në mbledhjen e sotme të qeverisë, asnjë ministër i PDK-së nuk mori pjesë.

Subscribe në YouTube: GAZETA INFOKUSI