Lajme

Nisma ende nuk ka mbledhur nënshkrimet e nevojshme për mocion

Autori: Gazeta inFokus 13:58 | 25 April 2017

Mocioni i mosbesimit ndaj Qeverisë Mustafa, i iniciuar nga kryetari i Nismës për Kosovën, Fatmir Limaj nuk po merr mbështetjen e mjaftueshme të deputetëve të Kuvendit.

Ky mocion i cili u nis tashmë e dy javë, ende nuk ka arritur të mbledh nënshkrimet e nevojshme për të rrëzuar qeverinë aktuale.

Sipas burimeve të Indeksonline, deri më tani mocioni është nënshkruar nga 37 deputetë të Kuvendit, derisa numri i nevojshëm i nënshkrimeve është 40.

-Advertisement-

E deputeti i Nismës për Kosovën, Enver Hoti duke mos dashur të tregoj numrin e saktë të nënshkrimeve, ka thënë për Indeksonline se në momentin kur të mblidhen nënshkrimet e duhura do të dalin publikisht për të treguar.

“Kur të arrihet numri që duhet, do të bëhemi transparent”, ka theksuar Hoti.

I pyetur nëse mocionin e kanë nënshkruar edhe deputetë të pozitës, pasi që në media është raportuar se disa deputetë të PDK-së po e mbështesin atë, Hoti ka konfirmuar një gjë të tillë.

“Sigurisht që ka nënshkrime edhe të pozitës”, ka thënë tutje Hoti.

Kujtojmë se para më shumë se një jave, shefja e Grupit Parlamentar të Nismës, Valdete Bajrami kishte paralajmëruar se të premten që shkoi do të dërgonin në Kryesi mocionin me nënshkrime, por që nuk ndodhi.

Mosarritja e mbledhjes së nënshkrimeve po bën që mocioni të shtyhet deri në dërgimin për procedim nga Kryesia. /Indeksonline/

Subscribe në YouTube: GAZETA INFOKUSI
Etiketa:
Prince Coffee shkon edhe në Ferizaj – ambient i ngrohtë e risi në menu (VIDEO)
-Advertisement-

Të tjera

Fokusi

lajme