Lajme

Nimetz propozon pesë alternativa për emrin e Maqedonisë

Autori: Gazeta inFokus 11:14 | 19 January 2018

Athina dhe Shkupi mund të jenë afër fundit të mosmarrëveshjes së tyre prej një çerek shekulli lidhur me emrin zyrtar të Maqedonisë.

I dërguari personal i sekretarit të përgjithshëm të OKB-së, Matthew Nimetz, thuhet se u ka propozuar delegacioneve të të dy vendeve, gjatë bisedimeve që po zhvillohen në Nju Jork, pesë alternativa për emrin.Sipas medias maqedonase, që dje u citua nga ajo greke, emrat e propozuar janë të gjithë të paraprira nga termi “Republika e”.

Ato janë Maqedonia e Re, Maqedonia e Veriut, Maqedonia e Epërme, Maqedonia e Vardarit dhe Maqedonia e Shkupit.Edhe pse Nimetz ka thënë se procesi është duke shkuar në drejtimin e duhur, negociuesi i Maqedonisë, Vasko Naumovski, i ka cilësuar propozimet e paraqitura nga ndërmjetësi i OKB-së si alternativa “larg një zgjidhjeje dinjitoze”.

-Advertisement-

Athina nuk dëshiron që fqinji i saj të ketë emrin Maqedoni për shkak të ekzistencës së një rajoni në Greqi me të njëjtin emër.

Subscribe në YouTube: GAZETA INFOKUSI