Ngrihet marrëveshja e Bratisllavës? S’ka njoftim per tërheqje tjetër të policisë e as lëvizje për zgjedhjet në Veri
Autori: Gazeta inFokus 22:24 | 29 July 2023
Përveç një njoftimi fillestar për reduktim të 25 % të pranisë policore në objektet komunale në veri dhe në hapësirat përrreth, Qeveria e Kosovës s’ka marrë ndonjë vendim tjetër që do të çonte në plotësimin e kërkesave të Bashkimit Evropian, për të cilat ka pasur një dakordim në mes të Emisarit të BE-së, Miroslav Lajcak dhe kryenegociatorit Besnik Bislimi.
S’ka pasur as ndonjë vlerësim të gjendjes së sigurisë për të proceduar me reduktim tjetër të forcave policore, e as ndonjë lëvizje për organizim të zgjedhjeve të reja në veri të vendit, të cilat janë edhe kushtet për de-përshkallëzim të Bashkimit Evropian.
Edhe nga Bashkimi Evropian në një përgjigje për Gazetën Express kanë thënë se s’është e mjaftueshme për de-përshkallëzimin lëvizja e Qeverisë së Kosovës për reduktim të 25 % të forcave policore. Brukseli zyrtar ka deklaruar se nevojiten hapa të tjerë.
Në mes të këtij procesi për reduktim policësh, vlerësim të sigurisë e zgjedhjeve të reja, Kosova ka vendosur kusht për Bashkimin Evropian. Institucionet e Republikës së Kosovës s’do t’i shpallin zgjedhjet e reja në veri pa u hequr masat e BE-së. Kështu ka thënë numri dy i Qeverisë, Besnik Bislimi. BE-ja ka pasur qëndrim të qartë ndaj kësaj deklarate të Bislimit, duke thënë se zgjedhjet duhet të shpallen sa më shpejt për t’i dhënë fund krizës në veri. Derisa ambasadori francez, Olivier Guerot, ka thënë se Kosova s’i ka plotësuar kërkesat e BE-së në mënyrë që të hiqen masat.
Amabasdori francez, Olivier Guerot, në një intervistë për Express ka thënë se në Bratisllavë, Lajcak dhe Bislimi, ishin marrë vesh për reduktim të menjëhershëm të pranisë policore në objekte komunale dhe rreth ndërtesave, vlerësim të përbashëkt të situtaës së sigurisë me EULEX-in dhe nëse është e nevojshme edhe KFOR-in, në mënyrë që të vlerësohet mundësia e reduktimit të forcave policore. Ndërkohë pika e fundit ka qenë organizimi i zgjedhjeve në veri dhe krijimi i bazës së nevojshme ligjore.
Guerot ka thënë për Express se ka pasur disa përparime, por se ka ende disa zotime për t’u zbatuar, përfshirë koordinimin me EULEX dhe KFOR për vlerësimin e sigurisë.
Guerot ka thënë se koha po kalon dhe s’po shihet progres nga Kosova, përfshirë këtu edhe organizimin e zgjedhjeve, ku sipas diplomatit francez s’po shihet ndonjë miratim aktesh nënligjore të qeverisjes lokale.
“Ka pasur disa përparime, por ka ende zotime për t’u zbatuar, për shembull në koordinimin ndërmjet policisë së Kosovês dhe misioneve ndërkombëtare dhe në vlerësimin e sigurisë. Koha po kalon dhe nuk po shohim asnjë përparim. Po kështu, nuk shohim ndonjë progres as për zgjedhjet e parakohshme, as për miratimin e akteve nënligjore konform nenit 72 të ligjit të qeverisjes lokale për zgjedhjet. Pa miratimin e nje akti nënligjor, qytetarët e Kosovës nuk mund ta shfrytëzojnë të drejtën që u jep ky ligj”, ka deklaruar ambasadori francez.
Të tjera
-
Osmani: Shqiptarët e Amerikës, urë e fuqishme e aleancës Kosovë – SHBA
Presidentja e Kosovës, Vjosa Osmani ka thënë se shqiptarët e Amerikës janë ur...
-
Nga QKUK-ja japin detaje për policin i cili u plag os në Zllakuqan në Klinës
Një polic u plagos në Zllakuqan të Klinës, derisa po intervenonte në një shtë...
-
Sveçla për policin e plagosur: Përgëzoj zyrtarin Januz Veselaj për reagimin profesional përkundër rrezikimit të jetës së tij
Ministri i Punëve të Brendshme, Xhelal Sveçla ka reaguar pas plagosjes së një...
-
Presidenti Italian: BE është në fazën më kritike
Presidenti Italian, Sergio Mattarella të enjten në mesazhin e tij për Ditën e...
-
Valchev: BE-në synon paqe
Objektivi kryesor i Bashkimit Evropian është që të gjithë në territorin e tij...
-
Incidenti në kishën e Zllakuqanit ku mbeti i plagosur një polic, reagon Sveçla
Në orët e hershme të mëngjesit të sotëm, u tentua të kryhej vjedhje në kishën...
-
Problemi me valët, Telekomi jep një shpjegim për konsumatorët
Përgjatë ditës së enjte, janë raportuar probleme të shumta me valët tek numra...
-
Szunyog: Të punojmë dhe rregullojmë edhe më mirë raportet ndërmjet Kosovës dhe BE-së
Ambasadori i BE-së në Kosovë, Tomáš Szunyog, në ditën e Evropës, 9 majin, kë...
-
Dezinformatat për Gabriel Escobar, Qeveria mohon se lajmi për largimin e tij ka rrjedhur prej tyre
Qeveria e Kosovës ka mohuar se lajmi që qarkulloi në fundjavë për “shkarkimin...
-
Publikohem pamjet/ Alma Arrazi afër Bunës, tre fëmijët ndjekin për dore nënën drejt rrugës pa kthim
Këto janë momentet e fundit të jetës së 39-vjeçares Alma Arrazi dhe tre fëmij...
-
Vajzën ia vrānë në Fushë Kosovë, shpërthejnë në lot prindërit e Claras
Argjentinasja 27-vjeçare ka vdekur më 2 gusht pasi ka rënë nga kati i gjashtë...
-
Rohde: Shpresojmë se Kosova do të bëhet anëtare e BE’së një ditë
Ambasadori gjerman, Jorn Rohde, po shënon Ditën e Evropës në sheshin kryesor ...