Lajme

Nga VV-ja reagojnë sërish ndaj deklaratave të Muhaxherit për Kurtin: LDK-ja më shumë po i ngjan Listës Serbe

Autori: Gazeta inFokus 09:43 | 05 July 2023

Nga Lëvizja Vetëvendosje kanë reaguar sërish pasi nënkryetari i Lidhjes Demokratike të Kosovës, Gazmend Muhaxheri, i ka kritikuar veprimet e kryeministrit të Kosovës Albin Kurti, lidhur me veriun.

Madje Muhaxheri qëllimet e Kurtit i ka krahasuar me ato të “Kasapit të Ballkanit”, Sllobodan Millosheviq, i cili thoshte në vitin 1989 “Po vendosim shtetin ligjor në Kosovë”.

“Dhe opinioni është i njëjtë. Ai donte të vendoste shtet ligjor në një territor ku 90 për qind ishin shqiptarë”, ka deklaruar Muhaxheri në Rubikon.

-Advertisement-

E deputeti i VV-së, Enver Dugolli, teksa e ka quajtur këtë deklarim skandaloz, ka thënë se mos distancimi i LDK-së “na dëshmon fytyrën e vërtetë e tyre”.

Sipas tij, me këso qëndrime e deklarata LDK-ja e sotshme më shumë i ngjan Listës Serbe.

“Elektorati i LDK-së duhet ta kuptoj se kush po i përfaqëson. Gazmend Muhaxheri e Lumir Abdixhiku nuk përfaqësojnë LDK-në e Ibrahim Rugoves e Fehmi Aganit.

Me këso qëndrime e deklarata LDK-ja e sotshme më shumë i ngjajnë Listës Serbe, e cila njëjtë po i kundërshton veprimet e Qeverisë dhe institucioneve të vendit për rend dhe ligj në veri”, ka shkruar Dugolli në Facebook.

Subscribe në YouTube: GAZETA INFOKUSI
Etiketa:
Çka po ndodh me DITËLINDJEN e Viva Fresh Store?!
-Advertisement-

Të tjera

Fokusi

lajme