Lajme

Nga veriu në jug! Katër tërmete brenda pak orësh në Shqipëri, ku ishte epiqendra

Autori: Gazeta inFokus 10:47 | 23 May 2023

Një mori lëkundjesh tërmeti kanë shkundur vendin gjatë orëve të fundit duke nisur nga veriu deri në pjesën jug-lindore të Shqipërisë.

Të dhënat në lidhje me katër tërmetet e orëve të fundit janë dhënë nga Instituti i Gjeoshkencave, i cili bën me dije se magnituda e tërmeteve ka qenë e ulët dhe nuk ka patur dëme materiale apo në njerëz.

Tërmeti i parë ndodhi mëngjesin e sotëm, rreth orës 05:20 ku u ndje një lëkundje në zonën e Shkodrës, pranë kufirit me Malin e Zi. Lëkundja kishte një magnitudë 3.1 të shkallës Rihter dhe nuk shkaktoi dëme.

-Advertisement-

Pas saj, pak minuta më vonë u ndje një lëkundje në detin Jon, pranë Sarandës, e cila pati një magnitudë 2.6 të shkallës Rihter. Lëkundja u ndje më shumë nga sizmografët se sa nga qytetarët.

Ndërkohë gjatë mbrëmjes së djeshme dy lëkundje të tjera kanë lëkundur zonën e Elbasanit dhe Dibrës, të cilat po ashtu kanë patur magnitudë të ulët

Subscribe në YouTube: GAZETA INFOKUSI
Etiketa:
MYZHDE për krejt!
-Advertisement-

Të tjera

Fokusi

lajme