Lajme

Nga Parisi në Bruksel, ministri Sveçla kërkon liberalizim vizash për Kosovën

Autori: Gazeta inFokus 11:14 | 14 May 2022

Ministri i Punëve të Brendshme, Xhelal Svecla, ka filluar një tur disa ditor nëpër Evropë. Të enjten kishte realizuar një vizitë në Francë ku kishte takuar zyrtarë nga Ministria e Brendshme e Francës, ndërkohë dje ka qëndruar për një vizitë tjetër në Komisionin Evropian në Bruksel.

Në Paris, siç kishte treguar Sveçla kishte prezantuar progresin e bërë në fushën e luftimit të krimit të organizuar dhe korrupsionit, meqë është edhe një nga pikat të cilat Franca e përmend kur tregon se pse vazhdon të jetë skeptike për çështjen e heqjes së regjimit të vizave për Kosovën.

Ndërkohë në Bruksel, Sveçla ka marrë përkrahjen e plotë të Komisionit Evropian për çështjen e heqje së vizave për Kosovën.

-Advertisement-

“Kënaqësi ta takojmë ministrin e Brendshëm Sveçla sot. I përcollëm mbështetjen e plotë të Komisionit Evropian për liberalizimin e vizave për Kosovën”, thuhet në njoftimin e “EU Home Affairs”.

Pas takimit ka reaguar edhe vetë ministri Sveçla duke treguar se ka qenë një takim i mrekullueshëm dhe se është koha që kosovarët të lëvizin lirshëm në BE pa viza, shkruan Express.

“Është koha që qytetarët e Kosovës të lëvizin lirshëm dhe pa viza në BE”, ka shkruar Sveçla.

Subscribe në YouTube: GAZETA INFOKUSI
Marsi sjell Magji në ETC

Të tjera