Nga një muaj paraburgim ndaj pesë të dyshuarve për dallavere me patentë shoferë, arrest shtëpiak për të gjashtën
Autori: Gazeta inFokus 11:17 | 25 July 2024
Gjykata Themelore në Pejë ka caktuar masën e paraburgimit në kohëzgjatje prej 30 ditësh për pesë të dyshuarit A.Sh., R.S., L.G., M.I dhe D.T (seclit veç e veç), ndërsa masën e arrestit shtëpiak ndaj të pandehurës T.Sh.
Lajmin e ka konfirmuar për “Betimi për Drejtësi” bashkëpunëtorja profesionale e kësaj Gjykate, Elzana Kastrati.
“Sipas kërkesës tuaj, ju njoftojë se ndaj të pandehurve A.SH, R.S, L.G, M.I dhe D.T, është caktuar masa e paraburgimit nga data 23 korrik 2024 deri me datë 22 gusht 2024, ndërsa të pandehurës T.SH, i është caktuar masa e arrestit shtëpiak në kohëzgjatje të njëjtë me të pandehurit tjerë”, thuhet në përgjigjen e Kastratit.
Ndryshe, Policia e Kosovës më 23 korrik 2024 ka bërë të ditur se ka zhvilluar një aksion në tetë lokacione në regjionin e Pejës dhe dy në regjionin e Prishtinës, ku janë arrestuar gjashtë të dyshuar dhe janë sekuestruar mbi 7 mijë euro. Sipas Policisë, aksioni është realizuar nën dyshimin se të dyshuarit kanë kryer veprat penale “Keqpërdorimi i detyrës zyrtare”, “Marrja e ryshfetit”, “Marrja e ryshfetit në sektorin privat” dhe “Legalizim i përmbajtjes së rreme”.
Policia njoftoi se gjashtë të dyshuar janë persona zyrtarë në Departamentin e patentë shoferëve, të cilët dyshohen se organizuan provime duke mos i përfillur format zyrtare elektronike.
“Personat e dyshuar, gjashtë (6) prej tyre persona zyrtarë nga departamenti i patentë shoferëve, Ministria e Infrastrukturës, duke bashkëvepruar dyshohet se kanë vepruar jashtë rregulloreve dhe udhëzimeve të Ministrisë së Infrastrukturës, duke organizuar provime për marrjen e patentë shoferëve jashtë orarit zyrtar të punës, duke përdorur metodën e testimeve në formë fizike dhe duke mos i përfillur format zyrtare elektronike. Dyshohet se testet janë plotësuar në emër të kandidatëve nga ana e zyrtarëve të njësisë së patentë shoferëve në Pejë dhe të njëjtat në mënyrë të kundërligjshme janë futur në sistem nga ana e zyrtarit të IT-së”, thuhej në njoftim.
Sipas Policisë, tre të dyshuar- pronarë të autoshkollave dyshohen se kanë rekrutuar kandidatë dhe kanë siguruar dokumentacion duke falsifikuar dokumentet e nevojshme, me qëllim të futjes së tyre në provim.
“Gjatë operacionit policor të bastisjes janë sekuestruar dëshmitë si në vijim: shtatë mijë e tetëqind euro 7800 €, gjashtë telefona mobilë, si dhe materiale të ndryshme lidhur me testime të kandidatëve. Lidhur me rastin personat e dyshuar janë intervistuar në prezencën e avokatëve të tyre mbrojtës dhe me vendim të prokurorit të lëndës, 6 prej tyre iu është shqiptuar masa e ndalimit prej 48 orëve dhe një person i dyshuar është liruar në procedurë të rregullt për shkaqe shëndetësore”, thuhej në njoftim.
Po ashtu, Policia bëri të ditur se për tre nga të dyshuarit e përfshirë në rast të cilët nuk janë hasur, do të ndërmerren veprime të nevojshme për sigurimin e prezencës së tyre.
Të tjera
-
Mefail Bajqinovci: Nuk e lexova asnjë reagim apo dënim nga BE-ja për bllokimin e pikave kufitare
Deputeti i Lëvizjes Vetëvendosjes, Mefail Bajqinovci, ka kritikuar opozitën d...
-
Haradinaj godet Osmanin, Kurtin e Gërvallën: Kur e përmendni ju Rugovën, atij i rrotullohen eshtrat në varr
Kreu i AAK-së, Ramush Haradinaj, ka reaguar ndaj presidentes Vjosa Osmani, kr...
-
SHBA trajnon ushtarë për t’i nisur drejt Kosovës: Siguria dhe stabiliteti i Kosovës dhe rajonit janë të një rëndësie strategjike
Faqja e përfaqësisë së Ushtrisë së SHBA-së në NATO ka publikuar një njoftim p...
-
Vjosa Osmani e Albin Kurti zbulojnë bashkë shtatoren e Presidentit historik, Ibrahim Rugova
Në qytetin e Podujevës në një ceremoni të organizuar nga Komuna sot është zbu...
-
Presidentja Osmani: Lidhja e Kosovës me SHBA-të nuk është vetëm aleancë strategjike, por themel i sigurisë për ne
Presidentja e Kosovës, Vjosa Osmani, ka thënë se Presidenti historik i Kosovë...
-
“Zoti të vazhdojë ta bekojë Republikën e Kosovës bashkë me SHBA-të” – Ukë Rugova në zbulimin e shtatores së babit të tij
Djali i Presidentit historik të Kosovës, Ibrahim Rugova, Uka, ka qenë një ndë...
-
1 mijë euro gjobë ndaj avokates lidhur me akuzën për keqpërdorim të besimit
Gjykata Themelore në Ferizaj përmes aktgjykimit të përpiluar më 16 korrik 202...
-
Zbulimi i shtatores së Ibrahim Rugovës bën bashkë në Podujevë Vjosa Osmanin e Albin Kurtin
Presidentja Vjosa Osmani dhe kryeministri Albin Kurti kanë mbërritur në Poduj...
-
Tre studentë nga Franca përfundojnë praktikën në ministrinë e Jashtme të Kosovës, takohen me kryeministrin
Nezir Kraki, profesor në Francë, ka njoftuar se bashkë me disa studentë kanë ...
-
“Ditë e vënies së themeleve të shtetit të Kosovës” – Abdixhiku citon Rugovën në 34 vjetorin e Kushtetutës së Kaçanikut
Lidhja Demokratike e Kosovës përmes një komunikate për media ka ndarë mesazhi...
-
Shtyhet shpallja e aktgjykimit ndaj Trumpit deri pas zgjedhjeve
Shpallja e aktgjykimit kundër ish-presidentit amerikan, Donald Trump, në rast...
-
Vulin: Vuçiq s’ka thënë që s’e takon Putinin, a mendoni se do ta mbijetojmë dimrin pa gazin rus?
Politikani serb i sanksionuar nga Shtetet e Bashkuara të Amerikës, Aleksander...