Lajme

Nga Korridori Blu tek bypass-i Elbasanit, Balluku prezanton projektet infrastrukture

Autori: Gazeta inFokus 16:05 | 09 January 2023

Ministrja shqiptare e Infrastrukturës dhe Energjisë, Belinda Balluku prezantoi sot projektet kryesore në vend që do të nisin së shpejti sa i takon infrastrukturës rrugore.

Nisja e punës në terren në të tre lotet e Korridorit Blu: Milot-Thumanë, Kashar-Lekaj dhe Lekaj-Fier; ndërtimi i rrugës Elbasan-Qafë-Thanë, pjesë e Korridorit VIII për lotin e parë të të cilit tashmë ka nisur puna, edhe një sërë aksesh të tjera në të gjithë vendin janë objektivi i qeverisë për përmirësimin e infrastrukturës.

Ministrja Balluku solli në vëmendje gjithashtu edhe projektin për ndërtimin e bypass-it të Elbasanit.

-Advertisement-

“Do kemi projektin e plotë për Bypassin e Elbasanit për të aplikuar më pas në fondet e BE”, theksoi Balluku. Një tjetër projekt, për të cilin pritet të hapet gara brenda vitit 2023, është edhe aksi Berat-Ballaban, një aks që lidh qarkun e Beratit me atë të Gjirokastrës dhe që pritet ti jap një zhvillim agroturizimit në zonën që përshkruan”, tha ajo.

“Po kështu, gjatë vitit 2023 do të ndërhyhet edhe për eliminimin e pikave të zeza në akset rrugore të vendit. Një ndërhyrje që do të realizohet në bashkëpunim me Policinë e Shtetit dhe që synon të rrisë sigurinë rrugore në vend”, tha ajo./Telegrafi

Subscribe në YouTube: GAZETA INFOKUSI