Lajme

Nga Kina te lufta në Ukrainë dhe marrëdhëniet mes dy vendeve, zbardhet biseda mes Biden dhe Sunak

Autori: Gazeta inFokus 09:55 | 14 March 2023

Kryeministri britanik Rishi Sunak dhe presidenti amerikan Joe Biden diskutuan “qëndrimin gjithnjë e më këmbëngulës të Partisë Komuniste Kineze” gjatë një bisede së djeshme, në San Diego.

Në të njëjtën kohë, të dy liderët ranë dakord të vizitojnë vendin e njëri-tjetrit. Biden tha se planifikon të vizitojë Irlandën e Veriut ndërsa Sunak pritet të vizitojë Uashingtonin në qershor.

Biden dhe Sunak folën në një bazë të marinës amerikane në San Diego për të njoftuar detajet e programit të nëndetëseve të aleancës AUKUS, në të cilin merr pjesë edhe Australia.

-Advertisement-

“Dy liderët ranë dakord që ambiciet dhe interesat e Britanisë dhe SHBA-së në nivel global janë të përbashkëta dhe se është e rëndësishme që (të dy vendet) të punojnë së bashku drejt stabilitetit global,” tha një zëdhënës i Doëning Street.

Në lidhje me Kinën, Biden dhe Sunak ” vunë në dukje sfidat e paraqitura nga qëndrimi gjithnjë e më këmbëngulës i Partisë Komuniste Kineze”.

Në të njëjtën kohë, të dy burrat diskutuan situatën në Ukrainë dhe ranë dakord se duhet të sigurohet që Kievi “të fitojë luftën dhe të sigurojë një paqe të qëndrueshme, në mënyrë që të mos kërcënohet përsëri nga Rusia në të njëjtën mënyrë “.

Ata ranë dakord gjithashtu se Britania dhe SHBA duhet të luajnë një rol në koordinimin e përpjekjeve globale për të mbështetur Ukrainën.

Vizita e Sunak në qershor do t’i lejojë të dy krerët të vazhdojnë bisedimet mbi “thellimin e marrëdhënieve të forta dhe të qëndrueshme ekonomike ” midis dy vendeve, tha Downing Street.

Subscribe në YouTube: GAZETA INFOKUSI
UNI – Universum International College sërish pjesë e Panairit të Edukimit, vazhdon të ofroj studime me standarde amerikane

Të tjera

Fokusi

lajme