Lajme

Nesër në New York mbledhen liderët nga Ballkani Perëndimor, Kosova përfaqësohet nga presidentja Vjosa Osmani

Autori: Gazeta inFokus 07:15 | 18 September 2023

Përfaqësuesi i Lartë i Bashkimit Europian, Josep Borrell ka udhëtuar për në New York, atje ku do të presë dhe do të marrë pjesë në ngjarje shumëpalëshe të nivelit të lartë dhe do të zhvillojë plot takime dypalëshe.

Ai, siç njofton BE-ja, ai gjithashtu do t’i mbledhë liderët nga Ballkani Perëndimor për takimin tradicional të organizuar në margjinat e Organizatës së Kombeve të Bashkuara. Atje, Kosova përfaqësohet nga presidentja Vjosa Osmani, e cila gjithashtu është nisur dje drejt New York-ut.

Të martën, Borrell, bashkë me presidentin e Këshillit Europian, Charles Michel dhe presidenten e Komisionit Europian, Ursula von der Leyen do të marrin pjesë në sesionin hapës të Debatit të Përgjithshëm të Asamblesë së Përgjithshme të OKB-së. Po atë ditë, planifikohet takimi i Borrell me liderët e Ballkanit Perëndimor.

-Advertisement-

Agjenda e Borrellit përfshin edhe takime tripalëshe me Bashkimin Afrikan dhe Kombet e Bashkuara, takim me Sekretarin e Përgjithshëm të OKB-së, Antonio Guterres, e pjesëmarrje në takimin e ministrave të jashtëm të G7-ës.

Subscribe në YouTube: GAZETA INFOKUSI
Etiketa:
Vrasja e Lulzim Fejzullahut, vjen reagimi i parë nga ministrja Haxhiu
-Advertisement-

Të tjera

Fokusi

lajme