Lajme

“Nëpunësit e Administratës në fushatë vetëm pas punës”

Autori: Gazeta inFokus 15:55 | 01 June 2017

Departamenti i Administratës Publike sqaroi këtë të enjte mbi pjesëmarrjen e punonjësve shtetërorë në fushatën elektorale. Drejtoresha Albana Koçiu tha se kushdo mund të marrë pjesë në fushatë jashtë orarit zyrtar të punës dhe perimetrit të institucionit.

“Të drejtat politike për punonjësit e administratës publike fillojnë pas orarit zyrtar dhe jashtë perimetrit të institucionit ku punojnë. Kushdo ka të drejtë të angazhohet politikisht me cilëndo parti. Mësuesit janë të lirë, drejtorët janë të lirë, por jashtë institucionit dhe jashtë orarit zyrtar”, deklaroi Koçiu.

Nuk lejohet përdorimi i institucionit për fushatë. Nga ana tjetër, qeveria po përgatit një vendim ku ndër të tjera parashikohet ngritja e një strukture të posaçme që do të monitorojë pjesëmarrjen e administratës në fushatë.

-Advertisement-

“DAP bashkë me strukturat e monitorimit do të ketë në vëmendje çdo shkelje të rregullave dhe çdo presion që do t’u bëhet punonjësve të administratës për pjesëmarrje në aktivitete publike pa dëshirën e tyre”, nënvizoi Koçiu.

Ditët e fundit ka pasur përplasje në institucione për disa urdhëra të ministrave teknikë për shkarkimin e disa punonjësve të administratës, që sipas tyre kishin marrë pjesë në fushatë elektorale. /TopChannel/

Subscribe në YouTube: GAZETA INFOKUSI