Rozë

“Nëntori” i Arilenës arrin edhe një tjetër sukses

Autori: Gazeta inFokus 16:40 | 26 August 2017

Arilena Ara rrëmben edhe një trofe në një festival ndërkombëtar.

Kënga “Nëntori” e cila u punua për festivalin “Kënga magjike”, e Arilena Arës, befasishëm kaloi kufijtë shqiptarë duke u renditur në vendet e para të toplistave disa vende të Evropës.

Arilena performoi edhe në “Evropa Plus” në Rusi, aty ku kënduan emra të njohur të muzikës. E “Nëntori”, i Arilenës po shënon edhe një sukses tjetër! Këngëtarja nesër do të marrë pjesë në festivalin më të madh të Kazakistanit “The Voice of Astana”, i cili është festival i rëndësishëm ndërkombëtar që mbledh artistë më të suksesshëm nga mbarë bota, shkruan 21. Arilena do të këndojë krahas Willy William, Eva Simons, Arash.

-Advertisement-

Gjithashtu pas performancës ajo do të marrë edhe trofeun e këngës më të dëgjuar të vitit në skenën e stadiumit të qytetit, nesër me 27 gusht.

Pavarësisht se pati sukses edhe në shqip “Nëntori” u realizua edhe në gjuhën angleze, për të qenë e kuptueshme edhe për të huajt. “I’m sorry”, erdhi edhe me videoklip i cili u publikua para dy ditëve.

Subscribe në YouTube: GAZETA INFOKUSI