Lajme

Nëntë vjet burg për vrasjen e Gjyshit

Autori: Gazeta inFokus 11:41 | 21 June 2017

Shpend Kastrati është shpallur fajtor dhe është dënuar me 9 vjet burg për vrasjen e gjyshit të tij, Ismajl Kastrati, një vit e gjysmë më parë.

Në aktakuzën e ngritur para gjashtë ditëve nga prokurori i Prokurorisë Themelore në Prishtinë, Hivzi Bajraktari, Kastrati akuzohej se në natën mes 27 dhe 28 nëntorit 2015 e ka privuar nga jeta gjyshin e tij Ismajlin.

Aktakuza thotë se ngjarja e rëndë kishte ndodhur përderisa i ndjeri Ismajl Kastrati ishte në gjumë në shtëpinë e tij ndërsa Shpend Kastrati “në gjendje me llogaritshmëri esenciale të zvogëluar… me mjet të fortë të paidentifikuar e kishte goditur në pjesën tëmthore të majtë të kokës rreth 3.5 centimetra mbi vesh duke i shkaktuar plagë shqyese pranë njëra- tjetrës”.

-Advertisement-

Aktakuza thotë se nga plagët e marra kishin shkaktuar “gjakderdhje masive trunore… të shoqëruara me thyerje të eshtrave të kafkës” të cilat i kishin sjellë vdekjen viktimës në vend të ngjarjes.

Në seancën e mbajtur të mërkurën, trupi gjykues njëzëri vendosi që të akuzuarin Shpend Kastrati ta shpallë fajtor për veprën penale të vrasjes së rëndë.

Bashkë me dënimin prej 9 vitesh burg, Shpend Kastrati i është dhënë edhe masa e trajtimit të detyrueshëm psikiatrik me ndalim ne institucionin e kujdesit shëndetësor. /kallxo.com/

Subscribe në YouTube: GAZETA INFOKUSI
Etiketa:
Hapet shkolla e mesme profesionale në Qytetin e Ferizajit
-Advertisement-

Të tjera

Fokusi

lajme