Lajme

Nëntë punonjës të Fakultetit të Mjekësisë marrin rrogë në QKUK pa punuar fare

Autori: Gazeta inFokus 09:07 | 20 October 2018

Hatixhe Latifi-Pupovci, ligjëruese në Fakultetin e Mjekësisë, tash e disa vjet merr pagë nga Qendra Klinike Universitare e Kosovës pa punuar fare. Në disa nga institutet paraklinike, përveç Pupovcit janë të “angazhuar” me letra edhe disa kolegë të tjerë të saj nga Fakulteti.

Në listën që e ka Koha Ditore, punonjësit e Fakultetit të Mjekësisë që marrin rrogë nga QKUK-ja dhe që nuk ushtrojnë asnjë aktivitet aty janë: Besa Lumezi, Hasime Qorraj-Bytyqi, Rexhep Hoxha, Violeta Lokaj-Berisha e Shaip Krasniqi (Instituti i Fiziologjisë); Hatixhe Latifi-Pupovci (Alergologjisë); Bajram Nura e Sadi Bexheti (Anatomisë), dhe Ruke Beqiraj (Katedra e Histologjisë).

Listën e përfituesve dhe të vërtetën e pagesës së tyre e ka konfirmuar për gazetën edhe drejtori i Instituteve Paraklinike, Ramadan Sopa.

-Advertisement-

Pagesa e dyfishtë për punonjësit e Fakultetit të Mjekësisë është bërë e mundur nëpërmjet një memorandumi të vitit 2006. Memorandumi i mirëkuptimit ishte nënshkruar më datën 19 prill të vitit 2006 në mes të tri institucioneve. Palët nënshkruese ishin Ministria e Arsimit, Shkencës dhe Teknologjisë, Ministria e Shëndetësisë dhe Ministria e Ekonomisë dhe Financave.

Subscribe në YouTube: GAZETA INFOKUSI
Etiketa:
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine
-Advertisement-

Të tjera

Fokusi

lajme