Vendimi nëse Ramush Haradinaj do të ekstradohet në Serbi apo jo, pritet të merret pasnesër, më 27 prill nga Gjykata në Colmar të Francës. Për lirimin e tij është shprehur i bindur anëtari i Kryesisë së AAK-së, Anton Berisha.

Në një prononcim për “Indeksonline”, Berisha ka thënë se nuk sheh asnjë arsye që për Haradinajn të vendoset ndryshe. Tutje, ai ka komentuar marrjen e nënshtetësisë shqiptare, të cilën presidenti shqiptar Bujar Nishani ia ka dorëzuar dje Haradinajt dhe bashkëshortes së tij.

Sipas Berishës, Shqipëria nuk do të mund të luajë asnjë rol më shumë në rastin Haradinaj, se sa shtetet tjera mike të Kosovës të cilat kanë kërkuar lirimin e Haradinajt.

“Nuk mendoj se ka të bëjë diçka me Shqipërinë, sepse fjala është për një aktakuzë me kërkesë të Serbisë ndaj shtetit të Francës për një shtetas të Kosovës. Shqipëria sikurse vendet tjera mike që nuk i kanë trajtuar këto kërkesa të Serbisë si valide, pra nuk ka rol specifik të Shqipërisë këtu. Shqipëria dhe shtet tjera në mënyrë diplomatike e kanë bë të qartë se lirimi i Haradinajt është kërkesë e tyre por Shqipëria nuk është palë. Kjo është një procedurë gjyqësore ku edhe vet Franca është deklaruar se e ka sistemin e pavarur dhe gjykata nuk ka më arsye që të nxjerrë një procedurë të re”, ka thënë ai.

Në të njëjtin qëndrim është edhe njohësi i çështjeve juridike, Ehat Miftaraj.

Sipas tij, nënshtetësia shqiptare e Haradinajt nuk ka aspak relevancë për sistemin e drejtësisë franceze.

Miftaraj për “Indeksonline” ka thënë se vendimi më meritor që do të mund të jepte Gjykata në Francë, është lirimi i Haradinajt.

“Për gjykatën në Francë nuk ka asnjë relevancë nëse z. Haradinaj ka marr shtetësinë e Shqipërisë. Andaj edhe nuk mund të ketë ndonjë ndikim lidhur me lirimin e z. Haradinaj. Nëse zbatohet e drejta ndërkombëtare penale dhe praktikat e ndjekura nga shumë shtete të Bashkimit Evropian në raste të njejta kur shtetas të Kosovës janë arrestuar në bazë të fletëarresteve ndërkombëtare të lëshuara nga Serbia pa bazë, vendimi meritor i marr nga Gjykata në Francë do të ishte lirimi i z.Haradinaj”, ka sqaruar ai.

Tutje, Miftaraj ka shtuar se duhet të besohet që drejtësia franceze nuk do të lejoj që të manipulohet nga ana e autoriteteve serbe dhe do të venë drejtësisnë në vend duke liruar Haradinajn.

Nëse doktor Mitrev do të përdorte hemofiltrimin me qëllim që të mashtruar pacientët, do t’i kishte mashtruar të gjithë 1738…

Sponsoruar