Lajme

Nënshkrimi i peticioneve në dy komunat veriore, policia: Situata e sigurisë është e qetë

Autori: Gazeta inFokus 11:26 | 17 January 2024

Në dy komunat në veri të Kosovës, Mitrovicë dhe Leposaviq, të mërkurën ka nisur nënshkrimi i peticionit për shkarkimin e kryetarëve.

Dhjetëra qytetarë serbë janë mbledhur që në orët e para të mëngjesit për shkarkimin e kryetarit të Mitrovicës së Veriut, Erden Atiq dhe atij të Leposaviqit, Lulzim Hetemi.

Përpos EULEX-it që po monitoron situatën nga afër, të angazhuar në mbarëvajtjen e këtij procesi janë edhe zyrtarët e Policisë së Kosovës.

-Advertisement-

Zëvendësdrejtori i Policisë për rajonin e Mitrovicës së Veriut, Veton Elshani në një prononcim për Telegrafin ka thënë se situata e sigurisë është e qetë.

“Gjithçka është në rregull dhe situata është e qetë”, ka deklaruar shkurtimisht ai.

Siç raportojnë mediat lokale në gjuhën serbe, qytetarët që duan të nënshkruajnë peticionin duhet të shënojnë emrin dhe mbiemrin, numrin e letërnjoftimit, adresën, numrin e telefonit dhe
nënshkrimin.

Në grumbullin e qytetarëve janë parë edhe ish-krerët e Listës Serbe dhe ish-kryetari i Mitrovicës së Veriut nga kjo parti.

Subscribe në YouTube: GAZETA INFOKUSI