Fokus

Nën përcjelljen e policisë protestuesit i afrohen objektit të ZRRE-së

Autori: Gazeta inFokus 12:44 | 11 April 2025

Nën moton “Asnjë cent më shumë”, ka filluar protesta e radhës kundër shtrenjtimit të energjisë elektrike, ku nën përcjelljen e policisë protestuesit i afrohen objektit të ZRRE-së,. shkruan Gazeta Infokus.

Protesta ka filluar në Prishtinë, në të njëjtën ditë kur edhe Zyra e Rregullatorit për Energji (ZRrE) mori vendimin përfundimtar për çmimin e ri të rrymës, i cili ende nuk është bërë publik.

Organizatorët u kanë bërë thirrje qytetarëve që t’i bashkohen kësaj proteste, duke kundërshtuar paralajmërimin për një rritje prej 15% të çmimit të rrymës nga ZRrE.

-Advertisement-

“Rritja e çmimit të energjisë nuk prek vetëm faturën, por edhe bukën, vajin, qumështin – çdo aspekt të jetës sonë të përditshme”, u tha në njoftimin e grupit organizues në Facebook.

Kujtojmë se edhe më 5 prill u mbajt një protestë e ngjashme në sheshin “Skënderbeu”, ku morën pjesë qindra qytetarë.

Ndaj këtij vendimi pati reaguar edhe Presidenca, ku përmes një reagimi pati deklaruar se rritja e çmimit të rrymës do të ketë efekt zinxhir.

Nga sheshi “Zahir Pajaziti”, një numër i konsiderueshëm i qytetarëve janë mbledhur për të kundërshtuar rritjen e çmimit të energjisë, ku tani ata po nisen drejt ZRRE-së./Gazeta Infokus/