Në vendlindjen e kryeministrit, kazinot “në oborr” të shkollave
Autori: Gazeta inFokus 10:46 | 14 September 2017
Kryeministri i Kosovës, Ramush Hardianaj, me ta marr detyrën si kryeministër, ia mësyu Shipitullës së Obiliqit për ta zgjidhur atje një problem të kamotshëm me shpronësime.
Por kryeministrit do t’i duhet të merret edhe me një problem tjetër, jo më pak i rëndësishëm. Me kazino, bastore e lojëra tjera të fatit, edhe atë duke u nisur që nga komuna prej nga vjen, Deçani.
Në vendlindjen e Haradinajt, vetëm pak metra larg institucioneve që janë të dedikuara për edukimin e nxënësve, mund të hasësh në lokale për lojëra të fatit, të cilat zhvillojnë kundërligjshëm veprimtari biznesore.
Krejt kjo nën dijeninë e Komunës dhe Administratës Tatimore të Kosovës.
Gazeta Fjala ka siguruar informacione se në këtë komunë me dhjetëra bastore janë duke funksionuar në mënyrë të kundërligjshme. Disa sosh tashme edhe janë konfirmuar për gazetën nga ish kryetari i komunës Rasim Selmanaj dhe zyrtarët e ATK-së.
Në fakt, këta të fundit vetëm pas interesimit të Gazetës Fjala dhe dërgimit të inspektorëve në terren ka konstatuar disa raste të kësaj veprimtarie biznesore që po ushtrohen afër shkollave pa u penguar nga askush.
Administrata Tatimore e Kosovës pati lëshuar më herët një vendim për mbylljen e lojërave të fatit larg institucioneve arsimore, komunale dhe fetare.
Ish-kryetari pranon se ka baste të tilla
Në vitin 2014, ish kryetari i komunës së Deçanit, Rasim Selmanaj, tanimë deputet i Kuvendit të Kosovës, përmes një vendimi kishte urdhëruar mbylljen e të gjitha bizneseve të tilla.
Në vendimin e komunës thuhet se kjo ka ndodhur për shkak se kjo veprimtari është cilësuar një dukuri negative, sidomos për rininë.
Por, ai duket të ketë qenë i pafuqishëm për ti mbyllur ato.
“Disa lokale në territorin e Komunës së Deçanit janë duke funksionuar për Baste Sportive dhe Lojëra të Fatit, afër shkollave dhe objekteve fetare”, e ka konfirmuar ish-kryetari i kësaj komune Rasim Selmanaj.
Tash sipas tij ato e nisën punën me izën e ATK-së, pasi janë pajisur me licencë të veçantë për funksionimin e tyre dhe se komuna nuk ka kurrfarë ndikimi to.
ATK thotë se nuk kanë qenë në dijeni
Nga ana tjetër, nga Administrata Tatimore e Kosovës thonë se nuk kanë qenë në dijeni për këto raste. Inspektorët e ATK-së kanë dal në terren vetëm pasi shpjegimeve që u ka kërkuar Gazeta Fjala.
Zëdhënësja për media nga ATK, Valentina Bytyqi-Sefa, thotë se pas punës në terren, inspektorët kanë hasur disa raste.
“Gjatë vizitës inspektoret kanë hasur në dy pika të bastorëve” ka thënë Bytyqi-Sefa.
Ajo konfirmon se këto dy pika të basteve nuk i plotësojnë kushtet ligjore të parapara në distancë ndaj objekteve shkollore, komunale e fetare dhe është përgatitur vendim për pezullim të licencës.
Po ashtu, në këto pika janë sekuestruar tre automate të lojërave të fatit të pa identifikuar me numër serik.
Ndërsa aktiviteti i inspektorëve të lojërave të fatit në këtë komunë është duke vazhduar, pasi ka dyshime edhe për disa bastore tjera. /Gazeta Fjala/
Të tjera
-
Dy tërmete të njëpasnjëshme godasin Greqinë
Dy tërmete kanë goditur mëngjesin e ditës së premte Greqinë. Sipas mediave...
-
Sot mblidhet Kryesia e Kuvendit
Sot do të mbahet mbledhja e radhës e Kryesisë së Kuvendit. Në rend dite vo...
-
Haxhiu: Jemi gati për zgjedhje, edhe të dielën e ardhshme nëse dëshiron opozita
Edhe Ministrja e Drejtësisë, Albulena Haxhiu ka sfiduar opozitën, duke thënë ...
-
Vazhdojnë kërkimet për gjetjen e një personi të zhdukur në Leposaviq
Shoqata e Kosovës për Kërkim dhe Shpëtim ka bërë të ditur se po vazhdojnë kër...
-
Po shkonin në një konferencë që mbahej për Pashkët, autobusi bie nga shkëmbi, vdesin 45 pasagjerët! Shpëton mrekullisht vajza tetë vjeçare
Dhjetra besimtarë vdiqën pasi një autobus që shkonte për në një konferencë të...
-
Lumir Abdixhku kandidat i LDK-së për kryeministër
Lumir Abdixhku kandidat i LDK-së për kryeministër Kryetarja e Forumit të G...
-
Abazoviq: Vota kundër Kosovës e Malit tw Zi tregon realitet të ri
Ish-kryeministri i Malit të Zi, Dritan Abazoviq ka thënë se vota kundër Kosov...
-
Osmani e Statovci ishin për iftar në mensën e studentëve
Presidentja e vendit, Vjosa Osmani, bashkë me deputeten e Listës Guxo, në gru...
-
Mbahet ankandi elektronik për projektin solar prej 100 MW
Ministria e Ekonomisë do të mbajë ankandin elektronik për projektin e parë so...
-
Sot mblidhen dy komisione të Kuvendit
Komisioni për Buxhet, Punë dhe Transfere, si dhe ai për Administratë Publike,...
-
Nënshkruhet sot marrëveshja Kosovë-Mali i Zi për IPA III
Zëvendëskryeministri Besnik Bislimi dhe ministrja për Çështje Evropiane të Ma...
-
Moti në Kosovë me diell
Për sot në Kosovë parashikohet të mbajë mot kryesisht me diell dhe i ngrohtë....