Lajme

“Në rajon Kosova prin me numrin e rasteve të infektimeve me variantin Omicron”

Autori: Gazeta inFokus 19:54 | 27 December 2021

Në Kosovë tashmë zyrtarisht janë regjistruar nëntë rastet e para të infektimit me variantin “Omicron” të coronavirusit.

Sipas Ministrisë së Shëndetësisë në fuqi do të mbesin masat e tanishme, por nëse rriten numrat mund të ketë ashpërsim të kufizimeve.

“Aktualisht në fuqi janë disa masash të cilat duhet të zbatohen në përpikëri dhe të vazhdojë vaksinimi i plotë, ndërsa në varësi prej aspekteve që u theksuan më lartë, Komisioni jep rekomandime nëse masat në fuqi janë të mjaftueshme, apo duhet ndryshuar diçka, qoftë në drejtim të shtrëngimit apo lirimit të tyre. Pra çdo lirim i tyre lidhet me zbatimin e tyre dhe vaksinimin”, thuhet në përgjigjen e Ministrisë për RTV Dukagjinin.

“Me paraqitjen e nëntë rasteve me Omicron, kjo nënkupton se Kosova prinë në regjion me infektimet nga varianti Omicron. Realisht Ministria e Shëndetësisë bashkë me ekipet e saj do të duhet të marrin masa për të parandaluar këtë situatë”, deklaroi Dreshaj.

Infektologu Dreshaj i cili është edhe deputet i AAK-së në Kuvendin e Kosovës thotë se nga mesi i shkurtit mund të ketë shtim të rasteve me coronavirus në Kosovë.

Drejtori i Klinikës Infektive në QKUK, Arben Vishaj ka thënë se gjatë së martës do të ketë më shumë detaje në lidhje me situatën epidemiologjike.

Të tjera