Lajme

Në QKUK përfundon me sukses një ndërhyrje e rrallë në zemër

Autori: Gazeta inFokus 14:07 | 10 January 2022

Në Klinikën e Kardiologjisë së Qendrës Klinike Universitare të Kosovës, Shërbimi i Elektrostimulimit dhe Elektrofiziologjisë, është kryer një ndërhyrje e rrallë dhe e suksesshme, në bashkëpunim me Shërbimin Klinik të Kardiokirurgjisë.

“Bëhet fjalë për implantimin e pajisjeje hapshënuese të përhershme artificiale të zemrës (Permanent Pacemaker) përmes venës femorale, përkatësisht v. kava inferior te një pacient me indikacion absolut për të, ku edhe pas disa tentativave nuk ishte arritur qasja standarde për këtë procedurë (nga venat e ekstremiteteve të sipërme) për shkak të deformiteteve të theksuara të krahërorit, çrregullimit të raporteve anatomike mes enëve të mëdha të gjakut dhe kalueshmërisë së tyre- të verifikuara me metoda imazherike”, ka njoftuar ShSKUK-ja në Facebook.

Kjo sipas ShSKUK-së përbën një qasje të pazakontë, të rrallë, por gjithsesi një zgjidhje alternative për një pacient kompleks, me indikacion vital për hapshënues artificial (pacemaker), të përshkruar edhe në literaturë.

-Advertisement-

Intervenimi u krye për herë të parë në QKUK, në një bashkëpunim të suksesshëm mes këtyre dy shërbimeve.

Subscribe në YouTube: GAZETA INFOKUSI
Etiketa:
Studente dhe prind, Medina Berisha tregon për rrugëtimin e saj akademik në UNI- Universum International College, fuqizuar nga Arizona State…
-Advertisement-

Të tjera

Fokusi

lajme