Në Prizren u mbajt marsh paqeje për viktimat e gjenocidit në Srebrenicë
Autori: Gazeta inFokus 20:31 | 11 July 2022
Në qytetin e Prizrenit, të hënën, më 11 korrik, u mbajt një marsh i paqes në 27-vjetorin e gjenocidit në Srebrenicë. Pas këtij marshi, si simbol i paqes, u lëshuan pëllumba të bardhë.
Organizatori i marshit, Edis Jonuzi, tha se 11 korriku i vitit 1995, kur forcat serbe të Bosnjës vranë mbi 8,000 burra dhe djem boshnjakë në Srebrenicë, nuk duhet të harrohet kurrë.
“Sot nuk jemi në Potoçari me nënat e Srebrenicës, por ato janë në zemrat dhe mendjet tona. Prandaj, nga këtu, ne boshnjakët, shqiptarët, turqit, romët dhe të tjerët nderojmë viktimat”, tha Jonuzi.
Në marshin e paqes në Prizren, përveç pjesëtarëve të komunitetit boshnjak, morën pjesë edhe përfaqësues të komuniteteve të tjera që jetojnë në Kosovë, përfshirë edhe kryetarin e Komunës, Shaqir Totaj.
Kjo është hera e pestë që në Prizren mbahet marsh paqeje në nderim të viktimave të gjenocidit.
Rasim Demiri, përfaqësues i koalicionit Vakat, theksoi se “gjenocidi në Srebrenicë nuk ndodhi, por ishte planifikuar nga agresori serb”.
Në marshin e paqes në Prizren morën pjesë edhe boshnjakë nga Novi Pazari, qytet në Serbi. Po ashtu, i pranishëm ishte edhe ambasadori i Turqisë në Kosovë, Çagri Sakar.
“Ne po vazhdojmë të bëjmë përpjekje për të krijuar paqe dhe stabilitet në gjithë Ballkanin dhe më gjerë, në mënyrë që masakrat e së kaluarës të mos përsëriten”, tha Sakar.
Para mbajtjes së marshit, përmes rrjeteve sociale, kryeministri i Kosovës, Albin Kurti, tha se Serbia paturpshëm e mohon gjenocidin në Srebrenicë, ndërkaq presidentja Vjosa Osmani, tha se “të gjithë duhet të bashkohemi kundër përpjekjeve për të madhëruar ose mohuar këto mizori të tmerrshme”.
Më 7 korrik 2021, Kuvendi i Kosovës miratoi Rezolutën për Srebrenicën, që dënon gjenocid e regjimit serb ndaj pjesëtarëve të kombit boshnjak. Kjo rezolutë dënon ashpër mohimin e gjenocidit dhe 11 korrikun e shpall Ditë të Përkujtimit të Gjenocidit në Srebrenicë.
Në vitin 2007, Gjykata Ndërkombëtare në Hagë tha se në Srebrenicë ishte kryer gjenocid.
Më 8 qershor të vitit 2021, gjyqtarët e gjykatës së OKB-së konfirmuan dënimin me burgim të përjetshëm ndaj ish-komandantit të Ushtrisë së Republikës Sërpska, Ratko Mlladiq. Ai u shpall fajtor për gjenocid në Srebrenicë, persekutim, krime kundër njerëzimit, shfarosje dhe krime të tjera lufte në Bosnjë e Hercegovinë, të kryera ndërmjet viteve 1992 dhe 1995.
Në fund të korrikut të vitit 2021, ish-përfaqësuesi i Lartë në Bosnjë e Hercegovinë, Valentin Inzko, bëri ndryshime në Kodin Penal të këtij shteti, duke ndaluar mohimin e gjenocidit dhe krimeve të tjera të luftës dhe madhërimit të kriminelëve të luftës./rel
Të tjera
-
Për një muaj, mërgata dërgoi rreth 120 milionë euro në Kosovë
Banka Qendrore e Republikës së Kosovës sipas kalendarit të publikimeve ka pub...
-
Ndërron jetë aksidentalisht në Gjermani, mërgimtari nga Skenderaj
Ndërron jetë Flamur Tahiri nga fshati Plluzhinë e Skenderajt. Dyshohet se ...
-
“Theu barrikadën…” – Reagon kompania që organizoi Prishtina Football Fest, ku u arrestua asambleisti i VV-së
'KD Events & Communications' ka reaguar pasi u përfol se hyrja në Prishti...
-
Dinari, Kushtetuesja refuzon kërkesën për pezullimin e zbatimit të Rregullores së BQK-së
Gjykata Kushtetuese e ka refuzuar të martën kërkesën për caktim të masës së p...
-
Forumi ekonomik botëror (WEFF) diskuton për rrugët e reja të rritjes ekonomike globale
Kryeministri kinez Li Qiang u ka kërkuar vendeve në mbarë botën të përballen ...
-
Kurti: Kosovës t’i hiqen masat, uroj që vendet anëtare të BE-së ta dëgjojnë Borrellin se e kanë shef
Kryeministri Albin Kurti tha se shpreson dhe uron që vendet anëtare të Bashki...
-
Iniciohet hetim për një rast të ndërhyrjes në sistem kompjuterik
Policia e rajonit të Prishtinës me rekomandimin e prokurorit të shtetit ka in...
-
Tahiri: Duhet të ndërtohet momentum i ri për anëtarësim në KiE
Shefi i Grupit Parlamentar të AAK-së, Besnik Tahiri, ka marrë pjesë në Asambl...
-
Dimal Basha i ashpër me Stanon: Hajgarexhi, skuqu pak se mu po më vjen marre për ty
Deputeti i VV’së, Dimal Basha, i ka reaguar zëdhënësit të BE’së, Peter Stano,...
-
Aksident në Prishtinë, përplasen një veturë dhe kombi
Një aksident trafiku mes një kombi dhe një veture ka ndodhur në rrugën “Agim ...
-
Shkarkimi i anëtares së Bordit të OSHP’së me propozim të Qeverisë, GJK: Vendimi anti-kushtetues
Shkarkimi i anëtares së Bordit të OSHP’së me propozim të Qeverisë, GJK: Vendi...
-
Hisen Berisha del me një reagim pas kritikave që i mori për takimin me Martin Berishajn: Veproj me logjikë shtetformuese
Deputeti i PDK-së, Hisen Berisha, ka dalë me një reagim pas kritikave që iu b...