Lajme

Në prag të Ramazanit, Tërnava uron që të ndalen luftërat dhe konfliktet

Autori: Gazeta inFokus 11:58 | 22 March 2023

Myftiu i Kosovës, Naim Tërnava, iu është drejtuar sot besimtarëve myslimanë me një mesazh urimi për muajin e Ramazanit.

Ai foli rreth rëndësisë së agjërimit të Ramazanit dhe mësimeve e mirësive të shumta që fitohen nga ky muaj.

Ndër të tjera, ai ka uruar që ta ndalen luftërat dhe konfliktet nëpër botë, njofton Klan Kosova.

-Advertisement-

“Në emër të Bashkësisë Islame të Kosovës, institucioneve të saj dhe në emrin tim personal t’ju drejtohem me përgëzimet dhe urimet më të mira, me bindje e shpresë që muajin e bekuar Ramazan ta presim e ta përjetojmë në formën më të mirë. Agjërimin, besimtarët e kryejnë me përkushtim e devocion për hir të Krijuesit dhe për të merituar mëshirën dhe begatitë e Tij, tha ai.

Mes tjerash myftiu Tërnava përmendi traditën e popullit tonë që njihet për bashkëjetesë, lutje respektim e vizita të ndërsjella me njëri-tjetrin, solidaritet, humanitet e bashkëndjesi.

Duke parë luftërat e konfliktet e ndryshme në shoqëri, myftiu Tërnava uroi që sa më parë të ndalen këto probleme dhe popujt të jetojnë të qetë në paqe e harmoni.

Subscribe në YouTube: GAZETA INFOKUSI
Udhëtoni drejt Berlinit me PrishtinaTicket me çmime speciale!
-Advertisement-

Të tjera

Fokusi

lajme