Kryesuesi i Komisionit Qeveritar për Personat e Zhdukur, ish-deputeti nga radhët e PDK-së, Andin Hoti, në një intervistë për Telegrafin ka folur për çështjen e të pagjeturve, trajtimin e kësaj teme në dialog me Serbinë, për hapjen e arkivave shtetërore serbe, lajmet e pavërteta në lidhje me fatin e babait të tij, Ukshin Hoti, si dhe për jetën e tij jashtë angazhimit politik.

Andin Hoti theksoi se politikisht vazhdon të jetë pjesë e Partisë Demokratike të Kosovës, teksa u shpreh se pozita e tij e tanishme nuk e lejon moralisht të merret me politika ditore.

“E para, për mua të gjitha partitë janë shqiptare dhe ndjehem mirë të bashkëpunoj me secilën prej tyre. E dyta, kam thënë me fillim dhe vazhdoj me e potencu që unë nuk kam lëvizë prej asnjë partie politike, nuk kam aderu në asnjë parti tjetër”, tha ai.

-Advertisement-

Ai tha se shpreson që është sqaruar kjo çështje edhe prej disa anëtarëve të Partisë Demokratike të Kosovës.

“Nuk mendoj se shumica e kanë këtë mendim, por disa individë të caktuar, për arsye që unë nuk i di, kanë dhënë deklaratat e tyre. Besoj që e kanë të qartë tashmë. Unë politikisht vazhdojë me qëndru aty ku kam qenë. Pozita që e kam tash nuk ma lejon moralisht me u marrë me çështje politike ditore. Unë merrem me fatin e personave të zhdukur, edhe e kam potencuar që e trajtoj dhe dua ta trajtojë këtë çështje humane”, tha ai.

Hoti, po ashtu tha se e vlerëson faktin se kryeministri i Kosovës, Albin Kurti nuk e ka përmendur mundësinë që ai të kalojë nga PDK-ja në Lëvizjen Vetëvendosje.

“Jam thirr prej kryeministrit Kurti për me udhëheq këtë pozicion krejtësisht human dhe e vlerësoj shumë që kryeministri Kurti ma ka besu dhe e vlerësoj shumë që kryeministri Kurti, as nuk e ka përmend mundësinë që unë të kalojë nga një parti në një parti tjetër”, sqaroi Hoti.

Andin Hoti ka kërkuar unifikimin e spektrit politik, kur është në pyetje çështja e fatit të të zhdukurve.

Ai tha se kur është fjala për këtë temë, duhet të ketë bashkëpunim më të gjerë.

“Unë të gjitha partive politike në Kosovë për fatin e personave të zhdukur kërkoj bashkëpunimin e tyre. Le të bëjnë çka të duan sa i përket politikave të tjera, e atyre ditore. Le të bëjnë çka të duan sa i përket sulmit ndaj kryeministrit apo Vetëvendosjes, por jo kur vjen puna te fati i personave të zhdukur, sepse mendoj se është tema më e ndjeshme në Kosovë dhe kërkon më shumë unifikim, sepse nuk mundet vetëm me një të arrihet ajo”, theksoi Hoti.

Gjatë intervistës, Andin Hoti ka folur edhe në lidhje me hapjen e arkivave shtetërore serbe e për lajmet e pavërteta në lidhje me fatin e babait të tij, Ukshin Hotin, të zhdukur gjatë luftës në Kosovë.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-