“Sisters” është një shfaqje me koreografi të Mehmet Balkan, teksa pjesë e publikut ishte edhe Minstri i Kulturës i Republikës së Kosovës, Hajrulla Çeku, i cili i ka dedikuar një postim në Facebook, veprës së artistit të ndjerë, Ahmet Brahimaj.
“Ahmeti, me kontributin e tij jetësor në kulturë, mbetet një prej heronjve tanë popullor që i kanë dhënë shpirt vendit tonë. Ai i takon gjeneratës që e ka mbajtur kulturën gjallë me rezistencë dhe devotshmëri”, shkroi ai.
Tutje, Çeku ka theksuar, se “është radha jonë” të kontribuojmë për baletin.
“Pa figura si Ahmet Brahimaj, baleti kosovar do të dukej shumë ndryshe. E gjithë kultura kosovare e çmon, dhe i gjithë populli i Kosovës e nderon punën dhe figurën e tij në këtë përvjetor. Për baletin kosovar, ai e bëri pjesën e tij, bile në mënyrë të jashtëzakonshme. Tani është radha jonë”, shkroi i pari i Ministrisë së Kulturës.
Ndryshe, Ahmet Brahimaj u lind në Novosellë të Pejës dhe Shkollën e Mesme të Baletit e kreu në Shkup, ndërsa i takon Gjeneratës së Parë të Baletit të Kosovës.
Në vitin 1972, ai së bashku me balerinët e tjerë u kthyen ne Prishtinë dhe formuan “Ansamblin e Baletit”.
Si solist i kësaj Trupe, Ahmet Brahimaj, ka luajtur në 38 Premiera baleti, e në shumë premiera të tjera të Dramës.
Shumë role kryesore, në të cilat ai është paraqitur me mjaft sukses, si në: “Karmen” (Don Hose), “Romeo e Xhyljeta” (Romeo), “Zhizela dhe Interplay” (Albert), “Era dhe Kolona” (Komandanti), “Piter Pan” (Kryeplaku Indian),” Kopelia” (Prefekti), “Don Kishoti” (Espado) e shumë të tjera.
Në vitin 1985, Brahimaj ishte emëruar “Shef I Baletit”. Për punën e tij krijuese ai mori shumë lëvdata, si dhe për nder të 48 vjetorit, u dekorua me “Paketën e Teatrit Popullor Krahinor” (1986), kurse me rastin e 60 vjetorit të Teatrit Kombëtar të Kosovës, ishte shpërblyer për punën artistike e krijuese.
Ahmet Brahimaj u nda nga jeta me datën 7 të muajit maj, vitin që lamë pas.
/Albanianpost.com
