Lajme

Në mes të natës, Donika Gërvallës i kujtohet të shkruajë për vendime të jashtëligjshme që janë marrë në MPJ

Autori: Gazeta inFokus 09:57 | 10 January 2022

Ministrja e Punëve të Jashtme Donika Gërvalla si duket punët nuk po i ndal as në orët e vona gjatë vikendit. Të dielën në orën 23:20 para mesnatës ajo publikoj një status goxha të gjatë në llogarinë e saj në Facebook ku fliste për vendime sipas saj të marrë jashtë ligjshëm në këtë dikaster të cilat do të shfuqizohen.

Në këtë shkrim ani pse në orët e vona, Gërvalla nuk përtoi të radhiste e të tregonte se çfarë pritet të bëhet në këtë ministri duke thënë se qeveria e kaluar ka dështuar në mandatin e saj, ani pse nuk përmend se për çfarë vendime të jashtëligjshme është duke folur.

Gërvalla ka thënë se do të shfuqizohen një nga një të gjitha vendimet e marra deri më tash, duke folur për një riorganizim të thellë në MPJ.

-Advertisement-

“Kemi analizuar shkeljet e shumta ligjore të viteve të fundit. Në vijim do të shfuqizojmë një nga një të gjitha vendimet e jashtëligjshme, duke kthyer kështu më në fund ligjshmërinë dhe drejtësinë e munguar në këtë institucion”, ka shkruar ajo.

Krye diplomatja ka shtuar se stuhia e pafund e ankesave do të vazhdojë edhe në javët në vijim. Pasi sipas saj, të gjithë ata që janë dërguar në ambasadat dhe konsullatat e Kosovës jashtë vendit në kundërshtim me ligjin ose që nuk i kanë përmbushur pritjet elementare të një diplomati, do të kthehen gradualisht në Prishtinë.

“Të gjithë ata që janë dërguar në ambasadat dhe konsullatat tona jashtë vendit në kundërshtim me ligjin ose që nuk i kanë përmbushur pritjet elementare të një diplomati, do të kthehen gradualisht në Prishtinë. Pas gjithë atyre viteve pa ligjshmëri, ligjin do të zbatohet përfundimisht edhe në këtë fushë. Por shteti ligjor është shtet ligjor dhe jo shtet i nepotizmit, i privilegjeve të pafundme dhe i tradhtisë ndaj taksapaguesve dhe djersës së tyre”, ka shkruar ministrja./Gazeta Infokus/

Gërvalla: Të emëruarit në kundërshtim me ligjin do të kthehen në Kosovë

 

Subscribe në YouTube: GAZETA INFOKUSI
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine
-Advertisement-

Të tjera

Fokusi

lajme