Në konferencën e 13-të ndaj Thaçit e të tjerëve pritet të diskutohet për zbulimin e provave e hetimet e mbrojtjes
Autori: Gazeta inFokus 15:04 | 05 July 2022
13 korriku është caktuar si datë kur do të mbahet konferenca e 13-të për ecurinë e çështjes në rastin e Hashim Thaçit, Kadri Veselit, Jakup Krasniqit dhe Rexhep Selimit.
Gjatë kësaj konference, në urdhrin për caktim të saj, gjykatësi paraprak ka paraparë se do të diskutohet për zbulimin e provave, hetimet e mbrojtjes dhe hapat e tjerë të tyre, si dhe për propozimet për racionalizimin e çështjes.
Konferenca mbi ecurinë e çështjes gjyqësore parashihet me rregullën 96 të Rregullores së Procedurës dhe Provave të Dhomave të Specializuara të Kosovës (DhSK).
Ndryshe, më 29 prill, Zyra e Prokurorit të Specializuar ka dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit.
Prokuroria po pretendon se katër të akuzuarit kanë kryer krime lufte edhe në Gjilan, Budakovë e Semetishtë.
Në aneksin e publikuar sa i përket krimeve që pretendohen se ndodhën në Semetishtë dhe Budakovë, prokuroria ka listuar krimet e luftës si arrestimi dhe ndalimi i paligjshëm ose arbitrar, trajtim mizor ose çnjerëzor, torturë, vrasje. Ndërkaq, si krime kundër njerëzimit i ka listuar burgimin, vepra të tjera çnjerëzore, torturën, vrasjen, zhdukjen e personave me forcë dhe persekutimin.
Kurse, për krimet që pretendon që ndodhën në Gjilan, si krime lufte i ka listuar arrestimi dhe ndalimin e paligjshëm ose arbitrar, trajtimin mizor ose çnjerëzor, torturën dhe vrasjen. Ndërsa, si krime kundër njerëzimit ka listuar burgimin, vepra të tjera çnjerëzore, torturën, vrasjen dhe persekutimin, njofton betimiperdrejtesi.
Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë.
Njëjtë është deklaruar edhe Veseli në paraqitjen e tij më 10 nëntor, sikurse edhe Selimi më 11 nëntor.
Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.
Sipas akuzës, së paku midis marsit 1998 deri në shtator 1999, Hashim Thaçi, Kadri Veseli, Rexhep Selimi, Jakup Krasniqi dhe anëtarë të tjerë të ndërmarrjes kriminale të përbashkët kishin qëllimin e përbashkët për të siguruar dhe ushtruar kontroll mbi të gjithë Kosovën përmes metodave që përfshinin frikësimin, keqtrajtimin, ushtrimin e dhunës dhe eliminimin e paligjshëm të atyre që konsideroheshin si kundërshtarë.
“Ndër këta kundërshtarë përfshiheshin persona që ishin, ose që konsideroheshin se kishin qenë: (a) bashkëpunëtorë ose të lidhur me forca, zyrtarë ose institucione shtetërore të RFJ-së, ose që (b) ndryshe nuk mbështetnin qëllimet ose metodat e UÇK-së dhe më vonë të QPK-së, ndër të cilët persona të lidhur me LDK-në dhe serbë, romë dhe persona të kombësive të tjera (bashkërisht, ‘kundërshtarët’). Ky qëllim i përbashkët përfshinte krimet e përndjekjes, burgosjes, arrestimit dhe ndalimit arbitrar ose të paligjshëm, akte të tjera çnjerëzore, trajtimin mizor, torturën, vrasjen dhe zhdukjen me forcë të personave”, thuhet në aktakuzë.
Tutje, në aktakuzë përmenden edhe Azem Syla, Lahi Brahimaj, Fatmir Limaj, Sylejman Selimi, Rrustem Mustafa, Shukri Buja, Latif Gashi dhe Sabit Geci.
Sipas aktakuzës, të akuzuarit bashkë me udhëheqësit tjerë të UÇK-së kontribuuan në arritjen e qëllimit t përbashkët.
“Si alternativë, disa ose të gjithë këta individë nuk ishin anëtarë të ndërmarrjes kriminale të përbashkët, por u përdorën nga anëtarë të ndërmarrjes kriminale të përbashkët për të kryer krime për realizimin e qëllimit të përbashkët (së bashku me anëtarët e NKP-së, bashkërisht ‘anëtarët dhe instrumentet e NKP-së’)”, thotë akti akuzues.
Të tjera
-
Çfarë moti do të mbajë për Kurban Bajram?
Instituti Hidrometeorologjik i Kosovës ka bërë të ditur se moti në dy ditët e...
-
Policia me aksion në veri, policia jep detajet
Policia e Kosovës ka gjetur disa armë në veri të vendit. Këtë e ka kon...
-
Qeveria e Kosovës është duke shkelur të drejtat e pensionistëve për pension të dyfishtë
Instituti i Kosovës për Drejtësi (IKD) në kuadër të “Javës së Ndihmës Juridik...
-
Glauk Konjufca padit Natyra Kuçin e PSD-së për shpifje, i kërkon 15 mijë euro dëmshpërblim
Kryekuvendari Glauk Konjufca ka dorëzuar sot padi në Gjykatën Themelore të Pr...
-
Maqedonci dhuron gjak në Ditën Botërore të Dhuruesve të Gjakut
Në Ditën Botërore të Dhuruesve të Gjakut, ministri i Mbrojtjes, Ejup Maqedonc...
-
IKD: Qeveria e Kosovës po shkel të drejtat e pensionistëve, kemi depozituar mbi 600 padi për moszbatim të pensionimit të dyfishtë
Instituti i Kosovës për Drejtësi (IKD) në kuadër të “Javës së Ndihmës Juridik...
-
Der Spiegel më 1999: Rugova u ftua nga Schröder për të qëndruar në Gjermani
Është riaktualizuar çështja e daljes së Ibrahim Rugovës nga Kosova në vitin 1...
-
Komandanti i Gardës Kombëtare të Iowa-s, po qëndron në Kosovë me ftesë të komandantit të FSK-së
Me ftesë të veçantë të komandantit të Forcës së Sigurisë së Kosovës, gjeneral...
-
Konjufca takon udhëheqësit e NDI: Synojmë forcimin e demokracisë
Kryetari i Kuvendit të Republikës së Kosovës, Glauk Konjufca, ka pritur sot n...
-
Rreth 80 policë të Kosovës dhurojnë gjak
Zyrtarë policorë të Njësive Speciale, kanë dhuruar sot gjak në shënim të Ditë...
-
Publikoi lista me të dhëna personale të ndjeshme, AIP ndërmerr veprime ligjore ndaj komunës së Gjakovës
Agjencia për Informim dhe Privatësi (AIP) tha se ka pranuar informacion nga m...
-
BE me thirrje për Kosovën dhe Serbinë të zbatojnë marrëveshjet
Bashkimi Evropian i ka bërë thirrje Kosovës dhe Serbisë që të përmbahen nga h...