Lajme

Në këto orë të mbrëmjes Serbisë vazhdon t’i bëhet presion nga BE’ja dhe ShBA

Autori: Gazeta inFokus 23:37 | 18 August 2022

Derisa kryeministri i Kosovës, Albin Kurti është nisur në Kosovë, në këto orë të mbrëmjes presidenti serb Aleksander Vuçiq vazhdon të ketë presion nga BE-ja e ShBA-ja.

Siç raporton gazetari i kanal10 në Bruksel, Vuçiq është duke vazhduar takimin me Miroslav Lajçak dhe me Gabriel Escobar.

“Vuciq vazhdon të qëndroj në Bruksel për dallim nga kryeministri Kurti. Ka vazhdimësi të qëndrimit të zotit Vuçiq në Bruksel për të folur me ndërmjetësuesin Lajcak dhe me emisarin e ShBA për dialog, Escobar.

-Advertisement-

Në këtë moment presioni është i padiskutueshëm mbi Serbinë sepse që të dyja palët edhe BE edhe ShBA ia njohin të drejtën Kosovës për t’i zbatuar masën e reciprociteti. Tash të dyja palët duhet të punojnë me Serbinë që t’i pranojë ato që Kosova të sillet njëjtë sic bën Serbia. Dhe tentimi i parë që shihet më i lehtë për tu realizur është që Serbia të heq dorë nga lëshimi i dokumentëve të posaqme për qytetarë e Republikës së Kosovëa qe hyjnë në territorin e Serbisë”, ka thënë gazetari Xhemajl Rexha.

Kujtojmë se sot në Bruksel është mbajtur takimi i tretë i nivelit të lartë mes Republikës së Kosovës dhe Serbisë. Pas takimit disa orësh në konferencë për media foli shefi i diplomacisë së BE’së, Josep Borell.

Ai tregoi se nuk është arritur asnjë marrëveshje mes palëve dhe negociatat do të vazhdojnë. Përfaqësuesi i politikës së jashtme të BE’së tha po ashtu se palët do të mbajnë përgjegjësi nëse eskalon situata.

Subscribe në YouTube: GAZETA INFOKUSI

Të tjera

Fokusi

lajme