Lajme

Në këtë lokacion të Prishtinës do të mbahet Sunny Hill

Autori: Gazeta inFokus 13:26 | 02 July 2022

Në një deklaratë të përbashkët mes Sunny Hill Festival, Komunës së Prishtinës, Ministrisë së Kulturës, Rinisë dhe Sportit është njoftuar se ky festival do të mbahet në parkun e Gërmisë.

Sipas kësaj deklarate thuhet se janë siguruar edhe lejet e nevojshme.

“Sunny Hill Festival, Komuna e Prishtinës, Ministria e Kulturës, Rinisë dhe Sportit dhe ministritë e linjës në Qeverinë e Republikës së Kosovës janë pajtuar që edicioni i këtij viti i Sunny Hill Festival të mbahet në parkun e Gërmisë, me ç’rast janë siguruar lejet e nevojshme”, thuhet në njoftim.

Gjithashtu është bërë e ditur se këtë vit do të ketë kapacitet të kufizuar të pjesëmarrësve.

“Sunny Hill Festival zotohet se e gjithë hapësira e parkut që do të merret në shfrytëzim do të përdoret me kujdes të shtuar, dhe se pastrimi dhe rigjenerimi i parkut do të bëhet në afat rekord, edhe me investimet e nevojshme nga ana e Sunny Hill Festival.

Ministria e Kulturës, Rinisë dhe Sportit dhe ministritë tjera përkatëse, bashkë me Komunën e Prishtinës janë zotuar të ofrojnë mbështetje të plotë për realizimin e një edicioni të jashtëzakonshëm të Sunny Hill Festival në Prishtinë më 4, 5, 6 dhe 7 gusht 2022”, thuhet ne deklaratën e përbashkët./Gazeta Infokus/

Të tjera

Fokusi

lajme