Lajme

Në Gadish të Gjilanit asnjë investim nga Komuna

Autori: Gazeta inFokus 21:52 | 06 August 2018

Prona e Jashar Gashit, kryetarit të fshatit Gadish të Komunës së Gjilanit, është dëmtuar shumë si pasojë e reshjeve të shiut të ditëve fundit.

Atij i janë dëmtuar edhe aparaturat, me të cilat grumbullon dhe përpunon bimët mjekuese, raporton KTV.

Por më shumë brengoset për rrjetin e kanalizimit, i cili thotë se është shkatërruar pas reshjeve, e të cilin e kishin instaluar me vetëfinancim, pasi komuna nuk kishte bërë asgjë në këtë aspekt.

-Advertisement-

Banorët që e kanë rregulluar rrjetin e kanalizimit thonë se pas shiut, gypat i kanë gjetur në livadhe dhe aktualisht ujërat e zeza po duhet t’i bartin te lumi Radeva.

Reshjet e shiut kanë ndikuar edhe në bllokimin e gypave prej nga kalon lumi dhe kanë bërë që uji ta vërshojë fshatin.

Në anën tjetër, drejtori i shërbimeve publike, Naser Korça, ka thënë se as për këtë vit komuna nuk e ka planifikuar rregullimin e rrjetit të kanalizimit në këtë fshat.

Ndërkaq, banorët thonë se nëse komuna nuk ka buxhet te mjaftueshëm, do të ishin në gjendje të kontribuojnë vetëm të mos mundohen më shumë duke i bartur ujërat e zeza vend e pa vend.

 

Subscribe në YouTube: GAZETA INFOKUSI
Etiketa:
Presidenti i UNI z. Alejtin Berisha, folës mbi temën “Women’s Role in Artificial Intelligence Development” në DOKUTECH, edicioni i 11-të
-Advertisement-

Të tjera

Fokusi

lajme