Lajme

Në ditën kur Kuvendi feston ditën Ndërkombëtare të Demokracisë, punëtorët teknikë hyjnë në grevë

Autori: Gazeta inFokus 10:14 | 16 Shtator 2024

Punëtorët teknikë të Kuvendit të Kosovës janë shprehur të pakënaqur me pagat e tyre.

E në shenjë pakënaqësie për këtë, ata kanë vendosur të hyjnë në grevë në ditën kur Kuvendi feston ditën Ndërkombëtare të Demkracisë.

Kërkesa e tyre është rritja e pagave deri në 550 euro, shkruan Gazeta Infokus.

-Advertisement-

Nazife Krasniqi, përfaqësuese e punëtoreve teknik të Kuvendit të Kosovës, ka thënë se janë bërë hati gati 3 vite prej kur ata kërkojnë rritje të pagës dhe asgjë nuk ka ndodhur.

“Tash për tash paga është shumë e ulët, të gjitha institucionet paga kanë lëvizur janë bërë 405 euro këtu të na nuk ka lëvizur asgjë. Kërkesa jonë është 550. Patjetër, ne grevën nuk e ndërpresim deri në plotësimin e kërkesave”, ka thënë tutje ajo.

E në anën tjetër pikërisht sot Kuvendi i Kosovës ka një agjendë goxha të ngjeshur për festimin e ditës së demokracisë.

Agjenda e ceremonisë fillon nga ora 10:00 deri në orën 13:30.

Në orën 10, kryetari i Kuvendit, Glauk Konjufca bën hapjen e ceremonisë, ndërsa më pas mbahet panairi i organizatave të shoqërisë civile në hollin e Kuvendit.

Po ashtu në orën 10:00 nisë edhe Kuizi i Demokracisë në Oborrin e Kuvendit.

Në orën 11:00 fillon një Tryezë diskutimi me temën “Zgjedhjet dhe teknologjia: Ndikimi në demokracinë moderne”, organizuar nga D4D dhe NDI.

Në orën 10:30 mbahet “Punëtori për Demokraci” në oborrin e Kuvendit dhe në orën 13:30 Panel diskutimi me temën “Sporti dhe Demokracia: Një vizion i ri për të ardhmen”./Gazeta Infokus/