Lajme

Në ditën e mësimdhënësve, Haradinaj del me 3 kërkesa emergjente për përmirësimin e kushteve të tyre

Autori: Gazeta inFokus 09:34 | 07 March 2024

Kryetari i Aleancës për Ardhmërinë e Kosovës (AAK), Ramush Haradinaj, ka thënë se është nevojë urgjente të gjindet zgjidhje për mësuesin e Kosovës.

Me rastin e 7 Marsit, Ditës së Mësuesit, Haradinaj ka kërkuar që vlera e koeficientit të ngritet së paku 130 euro.

“Vlera e koeficientit të ngritet në se paku 130 euro, ngase ngritja që bëri qeveria nga 105 në 110 është ironike dhe ka shtuar shumë pakënaqësitë në tërë sektorin e arsimit”, ka thënë Haradinaj.

-Advertisement-

Postimi i plotë:

Të dashur qytetarë, sot kur po shënojmë Ditën e Mësuesit, shteti duhet t’i rikthehet kërkesave që kërkojne zgjidhje emergjente për mësuesin e Kosovës.

Kërkesa e parë është që vlera e koeficientit të ngritet në së paku 130 euro, ngase ngritja që bëri qeveria nga 105 në 110 është ironike dhe ka shtuar shumë pakënaqësitë në tërë sektorin e arsimit.

Kërkesë e dytë është që të mbetet pika 6 e nenit 8 të Ligjit për skemat pensionale që ua pranon punëtorëve të arsimit ato vite si kontributdhënëse sepse ndryshimet e bëra me ndyshim plotësimin e këtij ligji ua mohojnë këtë të drejtë të fituar.

Kërkesa e tretë eshtë të mos ndryshohet përmbajtja e Kontratës indivividuale të punës e as Ligjet ekzistuese pa pjesëmarrjen e përfaqësuesve të sindikatës dhe palëve tjera sepse Qeveria Kurti duke shfrytëzuar numrat në parlament po bën ndyshime në ligje që nuk avansojnë, po mohojnë disa të drejta të fituara e të garantuara me ligjet aktuale.

Etiketa:
Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy