Në çfarë cilësie ishte Radojiçiq në stërvitjen ushtarake serbe me Petar Petkoviq, Goran Rakiq e oficerë të Ushtrisë Serbe
Autori: Gazeta inFokus 10:56 | 29 September 2023
Para pesë muajsh në Serbi u realizua një stërvitje ushtarake e ushtrisë serbe. Në mesin e shumë pjesëmarrësve aty, ishte edhe njeriu kryesor që udhëhoqi sulmin terrorist të dielën në Banjskë të veriut të Kosovës. Pamjet e Milan Radojiciqit brenda manastirit i publikoi vet Ministri i Punëve të Brendshme të Kosovës Xhelal Sveçla.
Në fotografinë e para pesë muajsh, shihet Milani bashkë me shefit e të ashtuquajturës zyrës për Kosovë Petar Petkoviq, Goran Rakiqin dhe plot gjeneralë të ushtrisë serbe në sfond. Asnjëherë nuk u sqarua se në çgarë cilësie mori pjesë Radojiçiq në këto stërvitje të cilat Serbia i cilësoi si stëvitje historike.
E vetëm pesë ditë pas këtij sulmi, gazeta serbe Vreme ka bërë një analizë, në të cilën e bën një krahasim në mes Radoiçiqit dhe Arkanit.
Gazeta ka veç një pyetje. “A do të trajtohet Radojiçiq si “komandant”, ashtu si gjeneralët e policisë ia rrahnin krahët Arkanit shekullin e kaluar?”
Gazeta Vreme, e ka quajtur Radojiciqin Arkani i shekullit 21. Duke përdorur po këtë fotografi të Milan Radojiçiqit të shkrepur në ditën kur ushtria serbe po kryente disa stërvitje, Vreme ka bërë një përshkrim të lidhjeve që njeriu që udhëhoqi sulmin terrorist në veri ka me shtetin serb që udhëhiqet nga Aleksandar Vuçiq.
Sipas kësaj analize, Radojiciq mund të merret në pyetje nga shefi i BIA-s serbe Aleksandar Vulin, dhe si përfundim ai të lartësohet për veprimet e tij njëjtë siç u lartësua krimineli Arkan nga gjeneralët e policisë serbe në shekullin e kaluar.
Sipas gazetës serbe, presidenti i Serbisë nuk e di nëse Milan Radoiçiq komandonte një grup të armatosur serb në Banjska. “Ndoshta ky më i fuqishmi dhe – bashkë me kumbarin Zvonko Veselinoviq – njeriu më i pasur në veri të Kosovës ka qenë atje në cilësinë e zbatuesit apo korrierit?”, ka shkruar Vreme.
Gazeta ka elaboruar edhe deklaratën e djeshme të presidentit serb Aleksandar Vuçiq, kur tha se Radojiçiq ndodhet në Serbi dhe se do të merret në pyetje nga organet e rendit atje.
“Posa të gjejë pak kohë Radoiçiq do të jetë para organeve kompetente. Aleksandar Vuçiq nuk tregoi se në çfarë rrethanash do të duhej të merrej në pyetje Radjiciqi. Siç thotë ai, në tre ditët e fundit ka fjetur vetëm një orë e 48 minuta, vetëm 18 minuta më shumë se kur ishte mysafir në RTS”.
Megjithatë sipas Vremes, Vuçiq gjeti forcën për të shpallur zgjedhjet provinciale, parlamentare dhe lokale në një numër ende të panjohur qytetesh.
“Këtu ka një problem. Çfarëdo që Serbia arriti apo synonte në Kosovë, grupi me Radoiçiqin i hodhën benzinë dhe i vunë flakën. Vuçiq e pranon këtë publikisht. Atëherë pse nuk e dëboi “Zotin e Veriut” nga vrima e çelësit të bravës”, pyet Vreme, analiza e së cilës del në konkluzion se statusi i sotëm i Radoiçiqit përkon me atë të Arkanit të fundit të shekullit të kaluar.
“Ndaj edhe ai ndan të njëjtin qëndrim ndaj vetes. Që të dy i lanë shumë borxhe punëdhënësve të tyre, morën shumë njohuri dhe fuqi dhe morën pasuri dhe ndikim edhe më të madh”
Sipas Vesti, nga ky krahasim ka vetëm një ndryshim, nuk ka fotografi të Sllobo Millosheviqit me Arkanin, ndërsa ka një fotografi të Vuçiqit me Radoiçiqin për një album më të guximshëm.
“Një analogji është ilustruese këtu. Në fund të viteve tetëdhjetë, kur Arkani ishte në gjyq për një kazino të paligjshme, ai tregoi letrat e një kredie për blerjen e një shtëpie në Ljutice Bogdan që kishte marrë gjatë punës në Sigurimin e Shtetit. Ata nuk e pyetën asgjë më shumë dhe ai ishte vetëm në fillim të asaj që do të bëhej më vonë. A mundet Radoiçiq të bëjë diçka të ngjashme? Le të themi, të nxjerrë nga xhepi dokumentet nga të cilat shihet se ai ka vepruar në frymën e politikës së Vuçiqit të përmbledhur në fjalinë “Serbia nuk do të rrijë duarkryq në sulmin e parë ndaj serbëve në veri të Kosovës””.
Sido që të jetë, sipas kësaj analize, Radoiçiqit nuk do t’i mungojë asgjë. Çmimin e “luftës së tij për liri” po e paguajnë serbët në Kosovë, ashtu siç e paguajnë kroatët për Arkanin
“Në fund, është e mundur që edhe drejtori i BIA-s të jetë në mesin e autoriteteve kompetente para të cilëve do të paraqitet nënkryetari i Listës Srpska – nëse arrin dhe gjen vend parkimi – sapo të kthehet nga pelegrinazhi nga Jeruzalemi. Ka vetëm një pyetje: a i drejtohet sot Aleksandar Vulin Radoiçiqit, si “komandant”, ashtu si gjeneralët e policisë ia rrahnin krahët Arkanit?”, pyet gazeta.
Të tjera
-
Vllasi: E pakuptueshme që Kosova me sjelljet e veta rrezikon pranimin në KiE
Njohësi i rrethanave politike, Azem Vllasi ka thënë se Kosova po e humb një m...
-
Specialja ua vazhdon paraburgimin Rexhep Selimit dhe Jakup Krasniqit
Në Dhomat e Specializuara të Kosovës (DhSK) në Hagë është marrë vendim për va...
-
Tahiri: Një pjesë e pushtetit është verbuar skajshmërisht, tjetra vazhdon me eksperiment pas eksperimenti
Shefi i Grupit Parlamentar të Aleancës për Ardhmërinë e Kosovës, Besnik Tahir...
-
Abelard Tahiri viziton Hashim Thaçin në Hagë -jep detaje nga takimi me të
Shefi i Grupit Parlamentar të PDK-së, Abelard Tahiri, e ka vizituar në Hagë i...
-
Dyshimet e Dukagjin Goranit: Kurti e Krasniqi diskutuan për t’ia shkurtuar mandatin Presidentes
Analisti Dukagjin Gorani ka hedhur dyshime se darka mes kryeministrit Albin K...
-
Propozimi i Qeverisë për të shkruar draft për Asociacionin, deklarohet Bashkimi Evropian
Bashkimi Evropian (BE) ka thënë të enjten vonë se e ka “të pamundur” ta vlerë...
-
Ahmeti tallet me letrat e qeverisë: Me i mbledhë, goxha njëfarë libri del
Shpend Ahmeti është tallur me letrat që qeveritarët ia kanë dërguar ndërkombë...
-
E rëndë: Polici vr*t ish kolegen në komisariatin e policisë
Një ngjarje e rëndë është shënuar pasditen e së enjtes në Anzola dell’Emilia,...
-
Spahiu: Asociacioni do t’i shërbejë Serbisë për të futur një këmbë në Kosovë
Ish-ambasadori i Kosovës në Shtetet e Bashkuara të Amerikës (SHBA), Avni Spah...
-
Maliqi: Perëndimi është bindur që Kosova nuk është negociatore dhe palë serioze, për Vuçiqin nuk ka fitore më të madhe
Analisti Agon Maliqi ka thënë se perëndimi është bindur që Kosova nuk ëshë ne...
-
“PDK-ja dhe VV-ja do të hyjnë në koalicion pas zgjedhjeve”
Deputeti i AAK-së, Shemsedin Dreshaj, tha se pas takimit të fundit në mes të ...
-
Knaus thotë se letra e treshes evropiane iu dërgua Kurtit para asaj të Gërvallës në KE
Gerald Knaus, nga Iniciativa Evropiane për Stabilitet, ka deklaruar se letra ...