Lajme

Ndahet nga jeta ish-ministri Luan Hajdaraga

Autori: Gazeta inFokus 12:44 | 30 July 2018

Për tre ditë do të mbushte plot 70 vjeç, por ka mbyllur sytë pas një sëmundje të rëndë që kaloi. Luan Hajdaraga, një personalitet mjaft i njohur në skenën politike shqiptare, ndërroi jetë këtë të hënë pas disa muajsh që pësoi ishemi cerebrale.

Lajmi i hidhur është dhënë nga familjarët, teksa u dërgua në Turqi për mjekim më të specializuar.

Në mars të këtij viti ish ministri i Mbrojtjes ndodhej në pikën e kalimit kufitar të Qafë Thanës ku dhe pati krizën e ishemisë. Pas disa kohësh në Spitalin e Neurologjisë, qeveria shqiptare akordoi një shumë për kurimin e tij në Turqi, ku dhe ndërroi jetë.

-Advertisement-

Hajdaraga ka qenë eksponent i lartë i PS-së, deputet i kësaj partie, ministër i Mbrojtjes në vitet 1998-2000, e më pas ka shërbyer dhe si zëvendësministër i jashtëm në 2003.

Subscribe në YouTube: GAZETA INFOKUSI