Lajme

“NATO qëndron me Ukrainën për aq kohë sa duhet”/ Stoltenberg: Ne duhet t’i japim atë që i duhet për të fituar

Autori: Gazeta inFokus 06:52 | 14 February 2023

Sekretari i përgjithshëm i NATO-s, Jens Stoltenberg, po tregon sërish mbështetjen për Ukrainën, ndërsa lufta me Rusinë vijon prej më pak se një viti.

Ai u shpreh se duhet të vazhdojnë t’i ofrojnë Ukrainës gjërat që i duhen për të fituar luftën.

“Ne do të rrisim dhe mbështesim mbështetjen tonë për Ukrainën. Pothuajse një vit nga pushtimi, presidenti Putin nuk po përgatitet për paqe, ai po fillon ofensiva të reja. Ne duhet të vazhdojmë t’i ofrojmë Ukrainës atë që i duhet për të fituar dhe për të arritur një paqe të drejtë dhe të qëndrueshme”, tha Stoltenberg.

-Advertisement-

Sekretari i përgjithshëm i NATO-s shtoi Perëndimi është në një garë logjistike me Rusinë.

“Aftësitë kryesore… duhet të arrijnë në Ukrainë përpara se Rusia të marrë iniciativën në fushën e betejës. Shpejtësia do të shpëtojë jetë. Mesazhi ynë është i qartë – NATO qëndron me Ukrainën për aq kohë sa duhet”, shtoi më tej ai.

Sipas Sky News, Stoltenberg deklaroi se aleanca ka në plan të rrisë objektivat e saj për rezervat e municioneve, të cilat po shterohen nga lufta.

“Lufta në Ukrainë po konsumon një sasi të madhe municionesh… Kjo i vë nën tendosje industritë tona të mbrojtjes. Kështu që ne duhet të rrisim prodhimin dhe të investojmë në kapacitetet tona prodhuese. NATO qëndron me Ukrainën për aq kohë sa duhet“, tha ai.

Subscribe në YouTube: GAZETA INFOKUSI
Etiketa:
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme