Sport

Nainggolan: Nuk i frikësohemi Barcelonës, s’kemi çfarë të humbasim

Autori: Gazeta inFokus 23:28 | 29 March 2018

Nainggolan thotë se Roma nuk ka çfarë të humbasë kundër Barcelonës, andaj do të tentojë të bëjë lojën e saj dhe ta sulmojë për të shpresuar në arritjen e një rezultati pozitiv në “Camp Nou”.

Barcelona dhe Roma do të përballen në çerekfinale të Champions League. Sfida e parë do të zhvillohet në “Camp Nou”, aty ku Radja Nainggolan thotë se Roma do të zbresë pa frikë, pasi kundër një superfuqie si Barcelona, nuk kanë çfarë të humbasin.

“Është ndeshje e vështirë, të gjithë e dinë këtë, por e mira është se ne nuk kemi çfarë të humbasim”, u shpreh Radja.

-Advertisement-

“Barcelona është e pamposhtur, kështu që sigurisht se do të jetë shumë e vështirë. Ne do të shkojmë atje dhe të luajmë futboll pa frikë, sepse siç thash, nuk kemi çfarë të humbasim”, shtoi ai.

Subscribe në YouTube: GAZETA INFOKUSI