Lajme

Nagavci në vendlindje, përgëzon shkollat që filluan mësimin

Autori: Gazeta inFokus 15:21 | 16 September 2022

Ministrja e Arsimit, Arbërie Nagavci i shoqëruar nga zëvendësi i saj, Dukagjin Pupovci, kanë vizituar shkollat në qytetin e Gjakovës të cilat kanë filluar mësimin.

Nagavci përmes një postimi në Facebook, ka përgëzuar shkollat dhe mësimdhënësit që kanë filluar mësimin.

“Edhe një herë përgëzoj shkollat dhe mësimdhënënsit që kanë filluar mësimin dhe kërkoj nga të gjithë mësimdhënësit e Kosovës që të mirëkuptojnë situatën, tashmë kur ata dhe familjet e tyre do të përfitojnë nga Pakoja e ndihmave financiare. Theksoj se, në Projektligjin për paga i cili ka dalë në debat publik, janë marrë për bazë të gjitha kërkesat, duke u trajtuar me kujdes të veçantë të gjitha kategoritë e punëtorëve të arsimit”, ka thënë Nagavci.

-Advertisement-

Ajo ka thënë se do t’i adresojë shqetësimet e mësimdhënësve.

“I siguroj mësimdhënësit se do të adresohet vazhdueshëm çdo shqetësim i tyre dhe bashkërisht të evitojmë të gjitha vështirësitë për të arritur kështu që të kemi mirëqenie të mësimdhënësve dhe ngritje të cilësisë në arsim”, ka thënë ajo.

Subscribe në YouTube: GAZETA INFOKUSI

Të tjera

Fokusi

lajme